საქართველოს პრეზიდენტი, ცესკოს თავმჯდომარეს, ცენტრალური საარჩევნო კომისიის და არასამთავრობო ორგანიზაციებისა წარმომადგენლებს ხვდება

საქართველოს პრეზიდენტი, სალომე ზურაბიშვილი ცესკოს თავმჯდომარეს გიორგი კალანდარიშვილს, ცენტრალური საარჩევნო კომისიის და არასამთავრობო ორგანიზაციებისა წარმომადგენლებს ხვდება.

პრეზიდენტი ორბელიანების სასახლეში მოწვეულ სტუმრებს საზღვარგარეთ მყოფი ქართული დიასპორისთვის 2024 წლის არჩევნებში ხმის მიცემის შესაძლებლობის შესახებ ესაუბრება.

როგორც სალომე ზურაბიშვილმა შეხვედრის დაწყებისას აღნიშნა, ამ საკითხთან მიმართებით დიასპორის ზოგ წარმომადგენლებთან „სკაიპით“ შედგა საუბარი და ამგვარი საუბრები გაგრძელდება, თუმცა ხარვეზია ის, რომ ამგვარ შეხვედრებში საქართველოს საგარეო საქმეთა სამინისტრო არ მონაწილეობს.

„პირველი და ძალიან მნიშვნელოვანი ხარვეზი არის ის, რომ საგარეო საქმეთა სამინისტრო ამ შეხვედრებში არ მონაწილეობს, უარს ამბობს და პასუხისმგებლობას იხსნის, რაც საკმაოდ გაუგებარია, რადგანაც მთელის ეს პროცესი ძალიან დაკავშირებულია საგარეო მუშაობასთან. პირველ რიგში, საკონსულოებში ტარდება საკონსულო რეგისტრაცია, რომელიც არის წინა პირობა იმისა, რომ უბნის გახსნისთვის მოთხოვნა იყოს.საკონსულოებიდან საგარეოში უნდა გადაეცეს ინფორმაცია ამ უბნების გახსნის შესახებ და შემდგომ საგარეომ უნდა გადმოსცეს ცესკოს. ეს არის პირველო ერთი ეტაპი”, - განაცხადა სალომე ზურაბიშვილმა.

როგორც მან აღნიშნა, ასევე საგარეო საქმეთა სამინისტრო არის პასუხისმგებელი ჩატარდეს საარჩევნო და სარეგისტრაციო კამპანია, კამპანიის შესახებ ინფორმაცია უნდა განთავსდეს საელჩოების ვებ-გვერდებზე.

თუმცა ზურაბიშვილის თქმით, ამ კუთხით, ჯერ კიდევ არაფერია გაკეთებული.

გიორგი კაჭარავა - 2024 წლის აპრილის მოვლენები განსაზღვრავენ გლობალური პოლიტიკის და უსაფრთხოების სამომავლო ტრენდებს
ზაზა ფირალიშვილი -  მხოლოდ ერთი ნაბიჯია იმ ზღვრულ მომენტამდე, რომლის შემდეგაც ან დაუფარავი ავტორიტარიზმია, ან - პოლიტიკური კრახი
ქართული პრესის მიმოხილვა 22.04.2024
Mastercard-ის ფინანსური განათლების პროექტის ფარგლებში, სამცხე-ჯავახეთის სახელმწიფო უნივერსიტეტში, ფინანსური კუთხე გაიხსნა
ბერლინის ფილარმონიული ორკესტრის კონცერტებს საქართველოში დენიელ ჰარდინგი უდირიჟორებს
„საქკაბელის“ მიერ წარმოებული სოლარ კაბელის შეძენა უკვე შესაძლებელია
„არქიში“ ერთ დღეში 150 ბინა გაიყიდა