სიცოცხლის სიკვდილზე გამარჯვების, იმედისა და სიხარულის უდიდესი ქრისტიანული დღესასწაული, მაცხოვრის აღდგომა აჭარაში მცხოვრებმა სომეხმა თანამოქალაქეებმა იზეიმეს. ინფორმაციას რელიგიის საკითხთა სახელმწიფო სააგენტო ავრცელებს.

მათი ინფორმაციით, სააღდგომო წირვა ბათუმის სურბ ფრკიჩის სახელობის სომხურ სამოციქულო ეკლესიაში გაიმართა.

„სადღესასწაულო მსახურებას აჭარის სომეხთა სულიერი ლიდერი, მღვდელი არარატ გუმბალიანი უძღვებოდა. ეკლესიაში შეკრებილ მრევლსა და სასულიერო პირებს აღდგომა მიულოცა რელიგიის საკითხთა სახელმწიფო სააგენტოს კოორდინატორმა აჭარაში, აბესალომ ასლანიძემ“,-აღნიშნულია ინფორმაციაში.