ბრაზილიის საგარეო უწყების ხელმძღვანელი - ილია დარჩიაშვილმა ვიზიტით მიმიწვია საქართველოში, აუცილებლად ვესტუმრები თბილისს

საგარეო საქმეთა მინისტრმა, ილია დარჩიაშვილმა საქართველოში ვიზიტით მიმიწვია, რასაც მაშინვე დავთანხმდი. დიდი სიამოვნებით ვესტუმრები თბილისს, - ამის შესახებ ბრაზილიის საგარეო საქმეთა მინისტრმა, მაურო ვიეირამ ქართველ კოლეგასთან, ილია დარჩიაშვილთან შეხვედრის შემდეგ განაცხადა, რომელიც ბრაზილიაში ვიზიტით იმყოფება.

როგორც ბრაზილიელმა დიპლომატმა აღნიშნა, საქართველოსა და ბრაზილიას შორის არსებულ ორმხრივ ურთიერთობებს დიდი მომავალი აქვს და იმედი გამოთქვა, რომ ორ ქვეყანას შორის თანამშრომლობა კიდევ უფრო გაღრმავდება სხვადასხვა მიმართულებით.

„ჩვენ საერთო ღირებულებები გვაქვს, ამიტომ ვფიქრობ, რომ საქართველოსა და ბრაზილიას შორის არსებულ ორმხრივ ურთიერთობებს დიდი მომავალი აქვს. იმედი მაქვს, რომ მომავალშიც გავაგრძელებთ მჭიდრო თანამშრომლობას“, - განაცხადა მაურო ვიეირამ.

ბრაზილიის საგარეო საქმეთა მინისტრის ინფორმაციით, ორი ქვეყნის საგარეო უწყების ხელმძღვანელებმა შეხვედრაზე განიხილეს ორმხრივი ურთიერთობების ფართო სპექტრი, განსაკუთრებული ყურადღება გამახვილდა სავაჭრო- ეკონომიკურ ურთიერთობებზე, ასევე ტურიზმის სფეროში თანამშრომლობის გაღრმავების შესაძლებლობებზე:

"ჩვენ წელს აღვნიშნავთ ორმხრივი ურთიერთობების 31 წლისთავს და გვინდა გავაძლიეროთ ჩვენი თანამშრომლობა. შეხვედრაზე განვიხილეთ საქართველოში ბრაზილიელი ვიზიტორების გაზრდის შესაძლებლობები, ასევე ვისაუბრეთ თუ როგორ შეიძლება გავაძლიეროთ ურთიერთობები კულტურის სფეროში. ჩვენ ასევე გვაქვს მზარდი ორმხრივი ვაჭრობა, რაც მნიშვნელოვანია. გასულ წელს სავაჭრო ბრუნვა 25%-მდე გაიზარდა. ჩვენ ბევრს ვმუშაობთ ერთად არა მხოლოდ ორმხრივ, არამედ საერთაშორისო ფორმატებშიც“, - აღნიშნა მაურო ვიეირამ.

აღნიშნულ ინფორმაციას საგარეო საქმეთა სამინისტრო ავრცელებს.

გიგი გიგიაძე - ხელისუფლება ვერ ახერხებს რუსულ კანონზე აბსოლუტური უმრავლესობის აზრის შეცვლას, დღითიდღე ფერები იცვლება და სულ უფრო მეტად ხდება ყველაფერი შავ-თეთრი
ქართული პრესის მიმოხილვა 29.04.2024
ფარხატ მამედოვი - სომხებმა რაც უნდა ის გააკეთონ, დაგვაყენონ ფაქტის წინაშე, რომ რუსი მესაზღვრეები აღარ დგანან სომხეთ-ირანის საზღვარზე, ამის შემდეგ დადგება ახალი რეალობა და თავის პოზიციას აზერბაიჯანიც ჩამოაყალიბებს
კახა ოქრიაშვილი - იმედია, რევოლუციის შიში „ოცნებას“ უარს ათქმევინებს არჩევნების გაყალბებაზე
GM PHARMA ტექნოლოგიურ განვითარებას აგრძელებს
ვებრძოლოთ სისუსტეს და ადვილად დაღლას - შევმატოთ ორგანიზმს სასიცოცხლო ენერგია
საქნახშირის მოპოვების მაჩვენებელმა ჯამში 1 000 000 ტონას მიაღწია
ბიზნესმენი სულხან პაპაშვილი განცხადებას ავრცელებს