რომან გოცირიძე „ქართულ ოცნებას“ - ეს არის რუსული კანონი, რუსული ხელისუფლების მიერ მიღებული, ეს არის პირდაპირ უარის თქმა ევროკავშირში გაწევრიანებაზე - არ შერჩებათ, ივანიშვილი იქნება დასანქცირებული, ხალხი გამოვა ქუჩაში!

ეს არის რუსული კანონი, რუსული ხელისუფლების მიერ მიღებული. ეს არის პირდაპირ უარის თქმა ევროკავშირში გაწევრიანებაზე - არ შერჩებათ, ხალხი გამოვა ქუჩაში, - ამის შესახებ “ევროოპტიმისტების” დეპუტატმა, რომან გოცირიძემ ჟურნალისტებთან განაცხადა, რითაც "ქართულ ოცნებას" მიმართა.

გოცირიძის განმარტებით, ფაქტობრივად, ამ ხელისუფლებას გადაწყვეტილი აქვს, რომ ძალაუფლების შენარჩუნების სანაცვლოდ, დათმოს ქვეყნის ევროკავშირში გაწევრიანების პროცესი.

“ეს არის რუსული კანონი, რუსული ხელისუფლების მიერ მიღებული. ეს არის პირდაპირ უარის თქმა ევროკავშირში გაწევრიანებაზე. ამას წინ უძღოდა სხვა კანონებიც, მათ შორის, საარჩევნო კანონის შეცვლაც. ფაქტობრივად, ამ ხელისუფლებას გადაწყვეტილი აქვს, რომ ძალაუფლებისავე შენარჩუნების სანაცვლოდ, დათმოს ქვეყნის ევროკავშირში გაწევრიანების პროცესი. ეს ხელისუფლება არის მოღალატე, რომელიც ქუჩაში აბრუნებს რუსულ კანონს და ქუჩაშივე გამოსული ასი ათასობით ხალხი მიუჩენს ამ პარტიას ისტორიულ სანაგვეზე ადგილს. ამათი გაქაჩვების არავის არ ეშინია - არავის.

ბიძინა ივანიშვილი იქნება დასანქცირებული, ამასაც მალე ვნახავთ. ვინაიდან, ამ სხდომას ივანიშვილი ესწრებოდა და როგორც არ უნდა დაიმალოს, როგორც არ უნდა გამოჩნდეს თვეში ერთხელ პანაშვიდებზე, ვერ ამოეფარება თავის პარტიას უკან. ბიძინა ივანიშვილი და თავისი პარტია არის დამნაშავე, რომელიც “რუსულ კანონს” აბრუნებს უკან.

მათთვის პრიორიტეტი არის ძალაუფლების შენარჩუნება, რაც მათთვის ნიშნავს ფულის მოპარვას, მათი ბიზნესების გამდიდრებას, და დაუსჯელობას. გაუტკბათ მათ 12 წლის განმავლობაში ბიუჯეტის ძარცვა. არ შერჩებათ - ხალხი გამოვა ქუჩაში”, - აღნიშნა რომან გოცირიძემ.

ცნობისთვის, საპარლამენტო უმრავლესობა „უცხოური გავლენის გამჭვირვალობის შესახებ“ კანონპროექტს პარლამენტში კვლავ დააინიცირებს.

ამის შესახებ საპარლამენტო უმრავლესობის ლიდერმა მამუკა მდინარაძემ პარტიის ოფისში გამართულ ბრიფინგზე განაცხადა.

არეგ კოჩინიანი - „ზანგეზურის კორიდორის“ საკითხში მოსკოვის პოზიცია აღმოჩნდა საკვანძო, რის გამოც არა მარტო გართულდა სომხეთ-რუსეთის ურთიერთობები, არამედ სომხეთმა თავის საგარეო პოლიტიკაში სერიოზული კორექტივები შეიტანა
ქართული პრესის მიმოხილვა 11.04.2024
მირიან მირიანაშვილი - ივანიშვილი რუსეთის დაშოშმინებას ცდილობს, კანონის მიღება ხელს არ შეუშლის საქართველოს ევროპისკენ სვლას, რადგან დასავლეთის ინტერესშია საქართველოს ევროკავშირის წევრობა
„SOCAR Team“ ტურნირი „პეტრას განძის“ გამარჯვებული გახდა
იგრძენი გაზაფხული – იცხოვრეთ ალერგიის გარეშე
კავკასიის უნივერსიტეტში NATO 75 საზეიმო სხდომა გაიმართა და ირაკლი წერეთლის სახელობის ნატოს კვლევითი ცენტრი გაიხსნა
TNET-ისა და Visa-ს ერთობლივი გრანდიოზული გათამაშება იწყება
გონიო, ბათუმი: საინვესტიციო შესაძლებლობები და ურბანული განვითარება
წინანდლის მამულში საგაზაფხულო სეზონი კირილ ზდანევიჩის გამოფენით გაიხსნება