რუსეთის მურმანსკის ოლქის გუბერნატორის, ანდრეი ჩიბისის ჯანმრთელობის მდგომარეობა, რომელსაც აპატიტში შეხვედრის შემდეგ დანით თავს დაესხნენ, მძიმეა, ის რეანიმაციაშია, - ინფორმაციას რუსული მედია საავადმყოფოზე დაყრდნობით ავრცელებს.

მურმანსკის ოლქის ოპერატიულმა შტაბმა განმარტა, რომ ჩიბისს ოპერაცია ჩაუტარდა.

ცნობისთვის, მურმანსკის ოლქის ქალაქ აპატიტში გუბერნატორს დანით შეიარაღებული მამაკაცი დაესხა თავს. ის ჩინოვნიკს ადგილობრივ მოსახლეობასთან შეხვედრის შემდეგ კულტურის ცენტრიდან გამოსვლისას მიუახლოვდა და ცივი იარაღით მუცლის არეში დაჭრა. თავდამსხმელი დაკავებულია, დანაშაულის მოტივი, ჯერჯერობით, უცნობია.