საგარეო ურთიერთობათა კომიტეტის დელეგაცია ესპანეთის სენატის ვიცე-პრეზიდენტს და კომიტეტების თავმჯდომარეებს შეხვდა

საგარეო ურთიერთობათა კომიტეტის დელეგაცია, კომიტეტის თავმჯდომარის ნიკოლოზ სამხარაძის ხელმძღვანელობით, ოფიციალური ვიზიტით ესპანეთში იმყოფება. ინფორმაციას პარლამენტის პრესსამსახური ავრცელებს.

მათი ინფორმაციით, დელეგაციის წევრები ესპანეთის სენატის ვიცე-პრეზიდენტს ხავიერ იგნასიო მაროტოს, სენატის საგარეო ურთიერთობათა კომიტეტის თავმჯდომარეს, ხოსე იგნასიო ლანდალუსე კაიეხას და თავდაცვის კომიტეტის თავმჯდომარეს, ხოსე მანუელ რეი ვალერას შეხვდნენ.

„შეხვედრაზე განიხილეს საქართველოსა და ესპანეთს შორის არსებული პოლიტიკური და ეკონომიკური ურთიერთობები. ისაუბრეს საქართველოს ევროკავშირსა და ნატო-ში გაწევრიანებაზე და ამ პროცესში ქვეყნის მხრიდან გადადგმულ ნაბიჯებსა და განხორციელებულ რეფორმებზე.

ესპანეთის სენატში გამართულ შეხვედრაზე მხარეებმა მიმოიხილეს რეგიონული უსაფრთხოების საკითხები, უკრაინაში მიმდინარე რუსული აგრესია და მისი შედეგები.

ნიკოლოზ სამხარაძემ ესპანელ კოლეგებს საქართველოს ოკუპირებულ რეგიონებში არსებულ მძიმე ვითარებაზე, რუსეთიდან მომდინარე საფრთხეებზე და ქვეყნის შიდაპოლიტიკურ ვითარებაზე მიაწოდა ინფორმაცია.

განხილვის ერთ-ერთ თემას შუა დერეფნის პოტენციალის სრულად ათვისება და ევროპასა და აზიას შორის დაკავშირებადობაში საქართველოს მნიშვნელოვანი როლი წარმოადგენდა.

ესპანურმა მხარემ კვლავ დაადასტურა ურყევი მხარდაჭერა საქართველოს ევროპული და ევროატლანტიკური ინტეგრაციის, ასევე ტერიტორიული მთლიანობის მიმართ.

საპარლამენტო დელეგაციის შემადგენლობაში არიან: საგარეო ურთიერთობათა კომიტეტის წევრი, გარემოს დაცვისა და ბუნებრივი რესურსების კომიტეტის თავმჯდომარე მაია ბითაძე; ესპანეთთან მეგობრობის ჯგუფის ხელმძღვანელი, დარგობრივი ეკონომიკისა და ეკონომიკური პოლიტიკის კომიტეტის თავმჯდომარე დავით სონღულაშვილი“,-აღნიშნულია ინფორმაციაში.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი