„ევროპის უნივერსიტეტში“ ევროპარლამენტის ყოფილი წევრი, ევროკავშირის საგარეო საქმეთა ჟურნალის მთავარი რედაქტორი (EUFAJ), იურისტი და უნივერსიტეტის უფროსი ლექტორი ჰანს-იურგენ ზახორკა საჯარო ლექციას გამართავს.

როგორც „ევროპის უნივერსიტეტის“ მიერ გავრცელებულ ინფორმაციაშია ნათქვამი, ჰანს-იურგენ ზახორკა სამართლის, ჰუმანიტარულ და სოციალურ მეცნიერებათა ფაკულტეტის სტუდენტებისთვის ისაუბრებს თემაზე: "ევროპული ღირებულებების სამართლებრივი შედეგები და საქართველოს ევროკავშირში გაწევრიანება/ Legal Implications of “European Values” and the EU Accession of Georgia".

„ლექციაზე დასწრება შეუძლიათ როგორც სამართლის, ჰუმანიტარულ და სოციალურ მეცნიერებათა ფაკულტეტის სხვადასხვა პროგრამის სტუდენტებს, ასევე სხვა დაინტერესებულ პირებს. სამუშაო ენა: ინგლისური (უზრუნველყოფილი იქნება თარგმნა)“- ნათქვამია ინფორმაციაში.