უკრაინა, მომავალ კვირას, შეთანხმებული მაკროფინანსური დახმარების პროგრამიდან, Ukraine Facility-დან მეორე ტრანშს, 1.5 მილიარდ ევროს მიიღებს, - ამის შესახებ სამეზობლო პოლიტიკისა და გაფართოებაზე მოლაპარაკებათა საკითხებში გენერალურმა დირექტორმა, გერტ იან კოპმანმა განაცხადა.

უკრაინამ მაკროფინანსური დახმარების 50 მილიარდიანი პროგრამიდან პირველი ტრანში - 4.5 მილიარდი ევროს ოდენობით მიმდინარე წლის მარტში უკვე მიიღო.

უკრაინის ფინანსთა მინისტრმა, სერგეი მარჩენკომ ხაზი გაუსვა ძირითადი პარტნიორებისგან უკრაინის ბიუჯეტის სტაბილური მხარდაჭერის აუცილებლობას, ვინაიდან სიტუაცია ახლა საკმაოდ გაურკვეველია აშშ-ის კონგრესში უკრაინის დახმარების დამტკიცების საკითხზე გადაწყვეტილების მიღების დაგვიანების გამო.