იაპონიის სამხედრო-საზღვაო ძალების ორი ვერტმფრენი წვრთნების დროს ზღვაში ჩამოვარდა, რის შედეგადაც ბორტზე მყოფი ეკიპაჟის რვა წევრიდან ერთი დაიღუპა, - ინფორმაციას Reuters-ი იაპონიის თავდაცვის მინისტრ მინორუ კიჰარაზე დაყრდნობით ავრცელებს.

მინისტრის თქმით, SH-60 ტიპის ორი საპატრულო ვერტმფრენი წვრთნებს ტორიშიმას მახლობლად, ცენტრალური იაპონიის სამხრეთ სანაპიროზე ატარებდა, როდესაც კატასტროფა მოხდა. დიდი ალბათობით, ვერტმფრენები ერთმანეთს შეეჯახნენ.

ეკიპაჟის დაკარგულ 7 წევრს იაპონიის საზღვაო თავდაცვის ძალები და სანაპირო დაცვა ეძებს.

იაპონიის საზღვაო თავდაცვის ძალების შტაბის უფროსმა, იოშიტაკა საკაიმ აღნიშნა, რომ ავიაკატასტროფის მიზეზი, სხვა ქვეყანა, დიდი ალბათობით, არ ყოფილა.