გივი მიქანაძემ ბრიუსელში გამართულ კონფერენციაში მონაწილეობა მიიღო

საქართველოს პარლამენტის განათლების, მეცნიერების და ახალგაზრდობის საკითხთა კომიტეტის თავმჯდომარემ, ევროპის საბჭოს საპარლამენტო ასამბლეის ადამიანის უფლებათა სასამართლოს გადაწყვეტილებების აღსრულების ქვე-კომიტეტის თავმჯდომარემ, გივი მიქანაძემ, ბრიუსელში ევროპის ადვოკატთა ასოციაციებისა და იურიდიული საზოგადოებების საბჭოს მიერ ორგანიზებულ კონფერენციაში მონაწილეობა მიიღო.

პარლამენტის პრესსამსახურის ინფორმაციით, კონფერენციის მიზანი ადამიანის უფლებათა ევროპული სასამართლოს გადაწყვეტილებების აღსრულების გაზრდის მიზნით დამატებით მექანიზმებზე მსჯელობა წარმოადგენდა. მათივე ცნობით, სიტყვით გამოსვლაში, გივი მიქანაძემ, კონფერენციის მონაწილეთა ყურადღება გაამახვილა ევროპის საბჭოს მინისტრთა კომიტეტის როლზე გადაწყვეტილებათა აღსრულების მიმართულებით.

გივი მიქანაძემ იმ შესაძლო დამატებითი მექანიზმების შემოღებაზე ისაუბრა, რამაც ხელი უნდა შეუწყოს მინისტრთა კომიტეტის უფრო შედეგიან საქმიანობას სასამართლოს გადაწყვეტილებათა აღსრულების კუთხით.

კონფერენციას ესწრებოდნენ ევროპის საბჭოს საპარლამენტო ასამბლეის მომხსენებელი ადამიანის უფლებათა ევროპული სასამართლოს გადაწყვეტილებების აღსრულებაზე, ევროპის ქვეყნების სახელმწიფო წარმომადგენლები სტრასბურგის სასამართლოში, ადგილობრივი და საერთაშორისო არასამთავრობო ორგანიზაციების წარმომადგენლები“, - აღნიშნულია გავრცელებულ ინფორმაციაში.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა