იაგო ხვიჩია - კანონი, რომელიც ვიზალიბერალიზაციას გართმევს, ხელს გიშლის ევროკავშირში გაწევრიანებისთვის მოლაპარაკებების დაწყებაში, როგორც შეიძლება თავისი შინაარსით არ იყოს რუსული?

კანონი, რომელიც ვიზალიბერალიზაციას გართმევს, ხელს გიშლის ევროკავშირში გაწევრიანებისთვის მოლაპარაკებების დაწყებაში, როგორც შეიძლება თავისი შინაარსით არ იყოს რუსული? - ამის შესახებ „გირჩის“ დეპუტატმა, იაგო ხვიჩიამ ჟურნალისტებთან საუბრისას განაცხადა.

ხვიჩიას თქმით, ყველაზე მთავარი, რაც ამ რეზოლუციამ გვაჩვენა, არის დისკუსიის დამთავრება იმასთან დაკავშირებით, არის თუ არა „უცხოური გავლენის გამჭვირვალობის შესახებ” კანონპროექტი რუსული.

„ყველაზე მთავარი, რაც ამ რეზოლუციამ გვაჩვენა, არის დისკუსიის დამთავრება იმასთან დაკავშირებით, არის თუ არა ეს კანონი რუსული. კანონი, რომელიც ვიზალიბერალიზაციას გართმევს, ხელს გიშლის ევროკავშირში გაწევრიანებისთვის მოლაპარაკებების დაწყებაში, როგორც შეიძლება თავისი შინაარსით არ იყოს რუსული? მე მოვუწოდებ საქართველოს ხელისუფლებას, იყოს გულწრფელი საკუთარ ამომრჩეველთან, ან გამოიხმოს ეს კანონპროექტი თვითონ, როგორც ეს გასულ წელს გააკეთა, ან ღიად გამოაცხადოს, რომ “ჩვენ ვართ პრორუსი მთავრობა, გვიყვარს პუტინი, უარს ვამბობთ ევროპაზე“, - განაცხადა ხვიჩიამ.

ამავე თემაზე საუბრისას ხვიჩიამ აღნიშნა, რომ „როგორც „რუსულ კანონზე“ არ შეიძლებოდა ამ ქვეყნის ინტერესების გადაყოლება, ისევე არ შეიძლებოდა მიხეილ სააკაშვილზე გადაყოლება“.

„ჩვენ ყოველთვის ვაფრთხილებდით საქართველოს ხელისუფლებას, რომ ამ ქვეყნის ინტერესები არავისთვის არ გადაეყოლებინათ. იქნებოდა ეს მიხეილ სააკაშვილის ციხეში ყოფნა თუ ნებისმიერი სხვა რამ. ისევე, როგორც „რუსულ კანონზე“ არ შეიძლებოდა ამ ქვეყნის ინტერესების გადაყოლება, ისევე არ შეიძლებოდა მიხეილ სააკაშვილზე გადაყოლება.

ამიტომ ვამბობდით ჩვენ მიხეილ სააკაშვილის დაჭერის პირველივე დღიდან, რომ საზღვარგარეთ გადაეგზავნათ სამკურნალოდ, იმისთვის, რომ პრობლემა არ შეუქმნას ამ ქვეყნის მომავალსა და პერსპექტივას. მაგრამ “ქართულმა ოცნებამ” ჩემი აზრით, იმისთვის, რომ საბოლოოდ აქამდე მისულიყო ეს საკითხი, მიხეილ სააკაშვილის თემაც უსაშველოდ გაწელა და “რუსული კანონიც” ნერვების მოსაშლელად შემოიტანა საქართველოში”, - განაცხადა ხვიჩიამ.

მარკეტა გრეგოროვა - კანონის ყველაზე დიდი პრობლემა მისი მიზანია - ის ევროპული გზიდან რუსეთის გზაზე გადასვლას ნიშნავს - მინდა ვუთხრა საქართველოს მოქალაქეებს, რომ საოცარი ხალხი ხართ და ასე გააგრძელეთ
ნიკოლოზ  ვაშაკიძე - ჩვენი პარტნიორები სანქციების პირველ ტალღას ვეტოს დაძლევის შემდეგ დაძრავენ, შემდეგ დააკვირდებიან არჩევნებს და შემდგომ ნაბიჯებს არჩევნების შედეგების მიხედვით გადადგამენ
ქართული პრესის მიმოხილვა 27.05.2024
2024 წლის ახალი ტოიოტა ლენდ კრუიზერ პრადო - სულ მალე საქართველოში
კახა ოქრიაშვილი - სწორედ „ოცნების“ ამომრჩეველი გვაჩვენებს ოქტომბრის საპარლამენტო არჩევნებზე, რომ მას „ოცნების“ სატყუარების აღარ სჯერა!
„სოკარი“ თაღლითური სქემის შესახებ მომხმარებლებს აფრთხილებს
გორში „ქეი ეფ სის“ ახალი რესტორანი გაიხსნა
USAID-ისა და „გორგიას“ პარტნიორობის ფარგლებში „გორგიას“ ხელოსანთა აკადემიის ტრენინგ ცენტრი გაიხსნა
„მახარებს, რომ ის შრომა, რომელსაც სწავლაში ვდებ, მართლაც ფასდება“ - გაიცანით „ნიკორა ჯგუფის“ სტიპენდიატი ანნა ჭიღლაძე