სასამართლომ უკრაინის სოფლის მეურნეობის მინისტრს წინასწარი პატიმრობა შეუფარდა, - ინფორმაციას Reuters-ი ავრცელებს.

მიკოლა სოლსკის წინასწარი პატიმრობა კორუფციის საქმეზე მიმდინარე გამოძიების ფარგლებში შეეფარდა, რომელიც ფოკუსირებულია ბრალდებებზე, რომ ის დაახლოებით 7 მილიონი აშშ დოლარის ღირებულების სახელმწიფო საკუთრებაში არსებული მიწის უკანონო შეძენაში მონაწილეობდა. ბრალდებები ეხება 2017-2021 წლებში განვითარებულ მოვლენებს, რომელიც სოლსკის სოფლის მეურნეობის მინისტრად დანიშვნამდე მოხდა.

მოსამართლემ განაცხადა, რომ სოლსკი პატიმრობაში 24 ივნისამდე დარჩება, სანამ გამოძიება მიმდინარეობს, რათა დადგინდეს, უნდა წაუყენონ თუ არა მას ოფიციალურად ბრალი და წარადგინონ სასამართლო პროცესზე.

სოლსკი ბრალდებებს უარყოფს. მან გუშინ, თანამდებობიდან გადადგომის შესახებ განცხადება დაწერა, მაგრამ ტექნიკურად პოსტზე რჩება, სანამ პარლამენტი მის მოთხოვნას არ განიხილავს