„საქსტატის“ აღმასრულებელი დირექტორის გოგიტა თოდრაძის განცხადებით, მოსახლეობის რაოდენობა 2003-2012 წლებში 220 ათასით, 2012-2023 წლებში კი 23-24 ათასი ადამიანით შემცირდა. აღნიშნულის შესახებ თოდრაძემ პრესკონფერენციაზე, ჟურნალისტის შესაბამისი კითხვის საპასუხოდ ისაუბრა.

„წინა წელთან შედარებით მოსახლეობის რიცხოვნობა [2023 წელს] 1.1%-ითაა შემცირებული. თუ წინა პერიოდის მონაცემებს განვიხილავთ, მაგალითად, 2012-2023 წლებში მოსახლეობის რიცხოვნობა 1%-ზე ნაკლებად, 0.6-0.7%-ით შემცირდა, ეს არის დაახლოებით, 23-24 ათასი ადამიანი, ხოლო 2003-2012 წლებში აღნიშნული მაჩვენებელი შემცირებულია დაახლოებით 220 ათასი კაცით“,- განაცხადა გოგიტა თოდრაძემ.