ანრი ოხანაშვილმა სალომე სამადაშვილს მიკროფონი გაუთიშა, ოპოზიციონერი დეპუტატის მხრიდან პროტესტის შემდეგ კი, კომიტეტის თავმჯდომარემ მას დარბაზი დაატოვებინა

იურიდიული კომიტეტის თავმჯდომარე ანრი ოხანაშვილმა კიდევ ერთი დეპუტატი „ლელოს“ წევრი სალომე სამადაშვილი კომიტეტის სხდომიდან გააძევა.

„დატოვეთ დარბაზი. მანდატურს ნუ აყენებთ უხერხულ მდგომარეობაში, დატოვეთ დარბაზი!“, - მიმართა ანრი ოხანაშვილმა.

იქამდე სალომე სამადაშვილმა და ოხანაშვილს შორის სიტყვიერი დაპირისპირება იყო, რადგან კომიტეტის თავმჯდომარემ დეპუტატს კითხვის დასრულების შესაძლებლობა არ მისცა.

„პირველი მუხლის შინაარსიდან გამომდინარე, საქართველოს მოქალაქეებმა შეიძლება დაკარგონ უვიზო მიმოსვლის შესაძლებლობა ევროკავშირთან“, - განაცხადა სამადაშვილმა, რა დროსაც მას სიტყვა გააწყვეტინა კომიტეტის თავმჯდომარემ და აღნიშნა, რომ დეპუტატს სიტყვის უფლება ჩამოართვა, რადგან, ოხანაშვილის განმარტებით, ის სვამდა საკითხს, რომელიც არ შეეხებოდა პირველ მუხლს.

„რა ამბავში ხართ? ანრი გეშინია ? ეს არ გინდა, რომ ხალხმა გაიგოს?! გაგვიუქმებენ უვიზო მიმოსვლას!“- მიმართა მას სალომე სამადაშვილმა, რასაც მისი გაძევება მოჰყვა.

ამ დროისთვის გაძევებულია ოთხი ოპოზიციონერი დეპუტატი: გიორგი ვაშაძე, თამარ კორძაია, ლევან ბეჟუაშვილი და სალომე სამადაშვილი.

ალექსანდრე თვალჭრელიძე - ვაშინგტონი დაელოდება არჩევნების შედეგებს, მანამდე კი „გამაფრთხილებელი“ ღონისძიებები გატარდება
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება