აქციის მონაწილეებმა ჩიტაძის და ჭიჭინაძის ქუჩის მხრიდან პარლამენტის შენობის ორივე შესასვლელისკენ მსვლელობით გადაინაცვლეს.

აქციის ორგანიზატორების განცხადებით, მათ აქვთ კონკრეტული გეგმა.

მათი თქმით, იმ 83 დეპუტატს, რომლებმაც “უცხოური გავლენის გამჭვირვალობის შესახებ” კანონპროექტს ხმა მისცა, საკადრისი პასუხი უნდა გასცენ, მათ დისკომფორტის გარეშე არ უნდა დატოვონ პარლამენტის შენობა.

აქციის მონაწილეებს 9 აპრილის ქუჩაზე პოლიციის კორდონი დახვდათ, რის გამოც მათ არ აქვთ შესაძლებლობა პარლამენტის შენობის იმ გასასვლელთან მივიდნენ, საიდანაც დეპუტატები უნდა გამოვიდნენ, თუმცა სტუდენტებმა ჭიჭინაძის ქუჩის მხრიდან შეძლეს პარლამენტის შესასვლელთან მისულიყვნენ. აქციის მონაწილეები სკანდირებენ: მონებო, მონებო.