რუსთაველის გამზირზე, პარლამენტის წინ, “უცხოური გავლენის გამჭვირვალობის შესახებ” კანონპროექტის წინააღმდეგ აქცია დასრულდა.

რუსთაველის გამზირზე აღდგა საავტომობილო მოძრაობაც.

აქციის ორგანიზატორების თქმით, პროტესტი და მსვლელობა ხვალაც იგეგმება, მაგრამ მსვლელობის გეგმა და მიმართულება სპონტანური იქნება.

“მსვლელობები გაგრძელდება, ვიდრე დიდი აქცია არ ჩაინიშნება. ეს იმისთვის, რომ მოსახლეობაში მუხტი არ დაეცეს და სულ გვახსოვდეს, რატომ უნდა გავაპროტესტოთ კანონი.

მსვლელობის მიმართულება, მიმდინარე მოვლენებიდან გამომდინარე, სპონტანურად დაიგეგმება”, - განაცხადა აქციის ერთ-ერთმა ორგანიზატორმა.