შსს-ში, 9 მაისს 10:00 საათზე ბრიფინგი ჩაინიშნა
9 მაისს, შსს-ში ბრიფინგი ჩაინიშნა.
პრესსამსახურის ინფორმაციით, ბრიფინგს 10:00 საათზე, შინაგან საქმეთა სამინისტროში, თბილისის პოლიციის დეპარტამენტის დირექტორი - სულხან თამაზაშვილი გამართავს.
უცნობია კონკრეტული საკითხი, რაზე ისაუბრებს თბილისის პოლიციის დეპარტამენტის დირექტორი.
როგორც ცნობილია, გვიან ღამით, უცნობი პირები თავს დაესხნენ საკუთარ სახლთან "ნაციონალური მოძრაობის" წევრს დიმიტრი ჩიქოვანს. ასევე, სადარბაზოსთან ფიზიკურად გაუსწორდნენ "ჭავჭავაძის ცენტრის" მკვლევარს გია ჯაფარიძეს. გავრცელებული ინფორმაციით, თავს დაესხნენ, ბაიკერ ლაშა ღვინიანიძესაც, რომელიც "უცხოური გავლენის გამჭვირვალობის შესახებ" კანონპროექტის წინააღმდეგ გამართული აქციების მონაწილეა.
