ბათუმის სახელმწიფო უნივერსიტეტის პროფესორი მალხაზ ნაკაშიძე სტუდენტებს სოლიდარობას უცხადებს და პროტესტის ნიშნად გაფიცვის რეჟიმში გადადის

ბათუმის შოთა რუსთაველის სახელობის სახელმწიფო უნივერსიტეტის პროფესორი მალხაზ ნაკაშიძე სტუდენტებს სოლიდარობას უცხადებს და პროტესტის ნიშნად გაფიცვის რეჟიმში გადადის.

როგორც მალხაზ ნაკაშიძე აცხადებს, საქართველოს მთავრობა კონსტიტუციური ჩარჩოებიდან გასულია და კონსტიტუციის 78-ე მუხლის საწინააღმდეგოდ მოქმედებს.

„მე როგორც ბსუ-ს პროფესორი, ბსუ-ში ევროკავშირის მხარდაჭერით პირველი ჟან მონეს კათედრის (EUCONST) დამფუძნებელი, ჟან მონეს მოდულის (TRIO.JOIN.EU) კოორდინატორი, ევროპის საუნივერსიტეტო ინსტიტუტის (ფლორენცია) ჟან მონეს მიწვეული მკვლევარი, ბსუ-ს საჯარო სამართლის სამაგისტრო პროგრამის ერთ-ერთი ხელმძღვანელი, ვაცხადებ, რომ მხარს ვუჭერ ახალგაზრდების განცხადებას სასწავლო პროცესის შეწყვეტისა და გაფიცვის კონსტიტუციური უფლების განხორციელების შესახებ. ძალიან სამწუხაროა, რომ ხალხი ვინც წინა წლებში აპროტესტებდნენ მთავრობის ქმედებებს, დღეს სხვადასხვა თანამდებობაზე მყოფნი, არ გამოხატავენ პოზიციას მთავრობის ძალადობის წინააღმდეგ. უფრო მეტიც, ისინი აქტიურად აზიარებენ პროპაგანდისტულ ინფორმაციას და მხარს უჭერენ ამ პოლიტიკას. რა ტყუილებიც არ უნდა გაავრცელოთ ჩემს წინააღმდეგ, ეს არ მოახდენს გავლენას ჩემს პოზიციაზე. საქართველოს მთავრობა არის გასული კონსტიტუციური ჩარჩოებიდან, მოქმედებს კონსტიტუციის 78-ე მუხლის საწინააღმდეგოდ და ჩვენ, მოქალაქეებს გვაქვს უფლება გავაპროტესტოთ ეს პოლიტიკა. მოვუწოდებ უნივერსიტეტის ადმინისტრაციას და პროფესორ-მასწავლებლებს დადგნენ ჩვენი ევროპული მომავლის დასაცავად”, - აცხადებს მალხაზ ნაკაშიძე.

ემილ ავდალიანი - ის, რაც დღეს ხდება საქართველოში თუ ქვეყნის საგარეო პოლიტიკაში, რუსეთს უნდა აწყობდეს, რადგან ასეთი შედარებით ქაოტური ვითარება მოსკოვს ბევრ საშუალებას აძლევს
აკადემიკოსი რამაზ ხუროძე - საჭიროა სახელმწიფოს მიერ მეცნიერებაზე გაწეული ხარჯების ეფექტიანობის შეფასება და შესაბამისად, ამ ხარჯების კორექტირება
ქართული პრესის მიმოხილვა 24.05.2024
„გალფის“ მხარდაჭერით 20 სტუდენტი აფხაზეთიდან ევროპის ჩემპიონატზე ეროვნული ნაკრების მატჩზე დასასწრებად გერმანიაში გაემგზავრება
„თიბისის“ მხარდაჭერით, ანტიკური კოლხეთის ქალაქი - ვანი, ეტრუსკული ცივილიზაციისადმი მიძღვნილ გამოფენას მასპინძლობს
BTU-ს AI-ს საბაკალავრო პროგრამას აკრედიტაცია მიენიჭა