ჯიმ ო’ბრაიენი - სანამ  კანონს მიიღებდნენ, ჩვენი და ასევე, ევროკავშირის მხრიდან იყო შეთავაზება, რომ უფრო დეტალურად განხილულიყო - ამაზე პასუხი იყო რომ „არა“, ეს კანონმდებლობა მიიღებოდა ასე სწრაფად, სამი მოსმენით

სანამ ამ კანონს მიიღებდნენ, ჩვენი და ასევე, ევროკავშირის მხრიდან იყო შეთავაზება, რომ უფრო დეტალურად განხილულიყო - ამაზე პასუხი იყო რომ „არა“, ეს კანონმდებლობა მიიღებოდა ასე სწრაფად, სამი მოსმენით, - ამის შესახებ აშშ-ის სახელმწიფო მდივნის თანაშემწემ ევროპისა და ევრაზიის საკითხებში ჯიმ ო’ბრაიენმა „უცხოური გავლენის გამჭვირვალობის შესახებ“ კანონპროექტზე საუბრისას, ბრიფინგზე განაცხადა.

ასევე ო’ბრაიენი ასახელებს საკითხებს, რომელიც, მისი თქმით, აღნიშნულ კანონპროექტში პრობლემურია, მათ შორის ის, რომ „ეს კანონი არაა სრულად ინკლუზიური და ყოვლისმომცველი“ ასევე, კითხვაზე, არსებობს თუ არა სივრცე ამ კანონის მოდიფიცირებისთვის, ო’ბრაიენი ამბობს, რომ როგორც ვეტოს ფორმატზე პრემიერ-მინისტრმა განაცხადა, „დიახ, არსებობს სივრცე“.

„ყველას სურვილია ნახოს, რომ ეს [კანონის მიღება] ხდება ევროპული სტანდარტების შესაბამისად, კონსენსუსით და თანხმობის პირობებში და არა იმ წინააღმდეგობებით, რასაც ეს კანონი შეეჯახა. მიღების ფორმა არის პირველი საკითხი. ასევე, დღეს გვქონდა შესაძლებლობა, რომ ამ კანონის პრობლემატური მხარეები განგვეხილა. პირველ რიგში, ესაა ის, რომ ეს კანონი არაა სრულად ინკლუზიური და ყოვლისმომცველი. მთლიანად არ მოიცავს იმას, რასაც უნდა მოიცავდეს. ასევე არის სტიგმატიზების საფრთხე იმ ორგანიზაციებთან დაკავშირებით, რომლებიც საკმაოდ ღიაა და მრავალი წელია მუშაობენ. მათთვის პრობლემა გამჭვირვალობის პრობლემა არაა, მაშინ, როდესაც სხვა ორგანიზაციები, რომლებიც დაფარულად მოქმედებენ და გაუგებარია, საიდან იღებენ დაფინანსებას, შეიძლება არ მოხვდნენ ამ კანონის ფარგლებში. ასეთი ტიპის სტიგმატიზება ყოველთვის იწვევს ძალადობას და ამის მაგალითები ვიხილეთ. ასევე, როგორც წესი, მსგავს კანონებში, როდესაც საქმე შეეხება გამჭვირვალობის დამალვას, კონკრეტული ორგანიზაციების ქცევის შედეგად ხდება ხოლმე ამაზე რეაგირება და შემდეგ სასამართლოს მეშვეობით ხდება ამ საქმეების გარკვევა. მაშინ, როდესაც ამ კანონის თანახმად, რაც აქაა მიღებული, იუსტიციის სამინისტროს აქვს უფლება შეამოწმოს არა მხოლოდ ფინანსური გამჭვირვალობის მხარე, არამედ ნებისმიერი ინფორმაცია ამ ორგანიზაციების შესახებ, გამოუწეროს ჯარიმა და მხოლოდ ამის შემდეგ მოხდეს ამის სასამართლოში გასაჩივრება, რაც პირიქითა გზაა. თუმცა ასევე, სანამ ამ კანონს მიიღებდნენ, ჩვენი და ასევე, ევროკავშირის მხრიდან იყო შეთავაზება, რომ უფრო დეტალურად განხილულიყო ეს კანონმდებლობა და ამაზე პასუხი იყო რომ „არა“, ეს კანონმდებლობა მიიღებოდა ასე სწრაფად, სამი მოსმენით“,- განაცხადა ო’ბრაიენმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024