გია ხუხაშვილი - „მალულად ჩამატებული მუხლები“ კიდევ ერთხელ აჩვენებს, თუ რა მდგომარეობა გვაქვს საპარლამენტო ოპოზიციაში, მათი პრობლემაა, რომ თავის დროზე ვერ შეამჩნიეს და მესამე პირებისგან ვიღებთ ინფორმაციას

„მალულად ჩამატებული მუხლები“ კიდევ ერთხელ აჩვენებს, თუ რა მდგომარეობა გვაქვს საპარლამენტო ოპოზიციაში, მათი პრობლემაა, რომ თავის დროზე ვერ შეამჩნიეს და მესამე პირებისგან ვიღებთ ინფორმაციას, - ამის შესახებ ექსპერტმა გია ხუხაშვილმა განაცხადა, რითაც გამოეხმაურა „ახალგაზრდა იურისტთა ასოციაციის“ ხელმძღვანელის, ნონა ქურდოვანიძის განცხადებას, რომლის მიხედვითაც “პარლამენტმა „უცხოური გავლენის გამჭვირვალობის შესახებ“ კანონპროექტის ბევრად უფრო მძიმე ვერსია მიიღო, ვიდრე პროექტის პირვანდელი ვარიანტი იყო - არის მალულად ჩამატებული მუხლები“.

როგორც გია ხუხაშვილმა „პალიტრანიუსის“ გადაცემაში „360 გრადუსი“ განაცხადა, „უცხოური გავლენის გამჭვირვალობის შესახებ“ კანონპროექტის შინაარსობრივ დავებში შესვლა და იმის თქმა, რომ „უი, ეს რა ჩაუწერიათ“, აბსურდია.

„მგონია, რომ ეს მორიგი ვირეშმაკობაა. მაღალი ალბათობაა იმისა, რომ ეს ჩანაწერი გაკეთდა და ხმაური გამოიწვიეს იმ მარტივი მიზნით, რომ ისინი ხომ ვითომ მოლაპარაკებებისთვის სივრცეს ტოვებენ? თუ გინდა რომ რაღაც გააძვრინო და საზოგადოება ამას არ იღებს, კიდევ უფრო მძიმე ფორმა უნდა მისცე, გადაიტანო მასზე აქცენტები, შემდეგ ეგ დათმო და რისი გატანაც გინდა ის შეგრჩება ხელში. ჩვენ თუ ამაზე გადავიტანთ აქცენტს, ბოლოს იტყვიან, რომ „ეს არ მოგწონთ? კარგი, ამას ამოვიღებთ“. ჩვენ ამ ვირეშმაკულ თამაშში არ შევიდეთ. სალომე ზურაბიშვილმა მათი თამაშები გაშიფრა და თქვა, მე რომ ახლა შინაარსობრივ განხილვაში შევიდე, ეს უკვე ამ კანონის ირიბ ლეგიტიმაციას ახდენსო“, - განაცხადა გია ხუხაშვილმა.

გია ხუხაშვილის თქმით, არ უნდა დავუშვათ ქვეყანაში სამოქალაქო დაპირისპირება, არამედ „უნდა მივიდეთ არჩევნებამდე და ჭირი მოვიშოროთ“.

„ჩვენ მშვიდობიანი დაუმორჩილებლობით უნდა მივიდეთ არჩევნებამდე. ჩვენ არ უნდა ავიდეთ დაპირისპირების ტატამზე, რაზეც ეს ხელისუფლება ოცნებობს. ხელისუფლება დღეს არის გალიაში გამომწყვდეული, მშიერი, შეშინებული მხეცის მდგომარეობაში, რომელიც საკბილოს ეძებს. არ უნდა მივცეთ ეს საკბილო და უნდა იყოს მხოლოდ მშვიდობიანი დაუმორჩილებლობა ყველა ამ სისაძაგლეზე. ძნელია, რთულია, მაგრამ უნდა გვეყოს იმის სიბრძნე და ნერვები, რომ ეს ავიტანოთ, უნდა მივიდეთ არჩევნებამდე და ჭირი მოვიშოროთ. არანაირ სამოქალაქო დაპირისპირებაზე არ უნდა წავიდეთ“, - განაცხადა გია ხუხაშვილმა.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი