გია ვოლსკი - ვეტო შენიშვნების გარეშე არის კონსტიტუციის დარღვევა - რასაკვირველია, სალომე ზურაბიშვილი ვენეციის კომისიის დასკვნის დალოდების საჭიროებას არ გაითვალისწინებდა

რასაკვირველია, ის [სალომე ზურაბიშვილი] არ გაითვალისწინებდა არც ვენეციის კომისიის დასკვნებისთვის დალოდების საჭიროებას და არც შარლ მიშელის მოსაზრებას იმასთან დაკავშირებით, რომ ექსპერტებმა კიდევ შეიძლება დამატებით ამ თემაზე [“უცხოური გავლენების გამჭვირვალობის შესახებ კანონპროექტზე”] იმსჯელონ - ვეტო შენიშვნების გარეშე არის კონსტიტუციის დარღვევა,- ამის შესახებ საპარლამენტო უმრავლესობის წევრმა, გიორგი ვოლსკიმ ჟურნალისტებს პრეზიდენტის ვეტოსთან დაკავშირებით განაცხადა, რომელიც მან “უცხოური გავლენის გამჭვირვალობის შესახებ” კანონს დაადო.

ვოლსკის შეფასებით, მოსალოდნელი არ იყოს, რომ პრეზიდენტი შენიშვნებს წარმოადგენდა კანონთან დაკავშირებით.

სალომე ზურაბიშვილმა განაცხადა, რომ იგი სათავეში უნდა ჩაუდგეს ამ პოლიტიკური “ნაცმოძრაობის” რევოლუციურ გეგმას. რასაკვირველია, ის არ გაითვალისწინებდა არც ვენეციის კომისიის დასკვნებისთვის დალოდების საჭიროებას და არც შარლ მიშელის მოსაზრებას იმასთან დაკავშირებით, რომ ექსპერტებმა კიდევ შეიძლება ამ თემაზე დამატებით იმსჯელონ. არც იყო მოსალოდნელი, რაღაცა შენიშვნებს ამ საკითხებთან დაკავშირებით რომ წარმოადგენდა და საშუალებას მისცემდა საზოგადოებას, ევლო შეთანხმების გზით. ეს კიდევ ერთხელ ადასტურებს იმას, რომ რადიკალური ოპოზიციის გეგმები არ იცვლება. რევოლუცია არის მათი ერთადერთი გამოსავალი, ვინაიდან არ აქვთ არანაირი შანსი გაიმარჯვონ არჩევნებში.

ვეტო შენიშვნების გარეშე არის კონსტიტუციის დარღვევა. არ შეიძლება. პრეზიდენტს აქვს ვალდებულება, თუნდაც პოლიტიკური შეფასებების ნაწილიც იყოს გათვალისწინებული. მაგრამ ძირითადად ვეტო უნდა ასახავდეს სამართლებრივ დამოკიდებულებას კონკრეტული საკითხის მიმართ. ეს მისი ვალდებულებაა. როდესაც ამას არ ასრულებს, ეს ნიშნავს, რომ კონსტიტუციას კიდევ ერთხელ სერიოზულად ასცდა”, - განაცხადა გიორგი ვოლსკიმ.

გარდა ამისა, ვოლსკის განცხადებით, “არანაირი საფუძველი, რომ რაიმე ეჭვი შეიტანო ამ კანონის [“უცხოური გავლენის გამჭვირვალობის შესახებ”] რეალობაში და აუცილებლობაში, არ არსებობს”.

“არანაირი საფუძველი, რომ რაიმე ეჭვი შეიტანო ამ კანონის რეალობაში და აუცილებლობაში, არ არსებობს. ამაზე მიუთითებს თუნდაც ურსულა ფონ დერ ლაიენის განცხადება და არა მარტო მისი განცხადება. ეს არის დამოკიდებულება და ევროდირექტივა, რომელიც უნდა გაითვალისწინოს ევროპის ქვეყნებმა. ნუ, გერმანია ამის წინააღმდეგია, საფრანგეთმა უკვე სენატში წარადგინა და ითვალისწინებს უსაფრთხოების სამსახურების ჩართვას ამ საკითხებში. მათ შორის, ფარული მიყურადებით და მთელი რიგი საკითხებია ჩამოყალიბებული. არის მეორე საკითხი, რომელსაც ჰქვია მეორე სტანდარტი. ეს ნიშნავს იმას, რომ საქართველოში არ არის მთავარი ამ კანონის აუცილებლობაზე საუბარი. საქართველოში მთავარია იმ გზის გაყოლა, რაც თავიდანვე იდეაში ჰქონდა რადიკალურ ოპოზიციას. ეს არის პროცესების რევოლუციური გზით, დესტაბილიზაციისკენ წარმართვა, ხელისუფლების ძალადობრივი შეცვლა და შემდეგ იმის განხორციელება, რაც ჯერ კიდევ 2022 წელს მოითხოვა ზელენსკიმ, როდესაც მიმართა საპროტესტო აქციას და რისთვისაც ელჩი გაიწვია”,- განაცხადა ვოლსკიმ.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის