მშვიდობის ხიდის მიმდებარედ ისრაელის ზეთისხილის ბაღი გაშენდა

თბილისში, მშვიდობის ხიდის მიმდებარედ, ისრაელელი ხალხის 7 ოქტომბრის გმირობის პატივსაცემად და საქართველოსა და ისრაელს შორის მტკიცე მეგობრობის სიმბოლოდ, ისრაელის ზეთისხილის ბაღი გაშენდა.

ისრაელის 76-ე დამოუკიდებლობის დღის აღსანიშნავად ისრაელის საელჩოს მიერ ორგანიზებულ ცერემონიაში მონაწილეობა საქართველოს საგარეო საქმეთა მინისტრის მოადგილემ, პარლამენტის წევრებმა, სამოქალაქო საზოგადოების წარმომადგენლებმა, დიპლომატიურმა კორპუსმა და სხვა საპატიო სტუმრებმა მიიღეს.

საქართველოში ისრაელის საელჩოს ინფორმაციით, სპეციალურ სტუმრებს შორის იყვნენ: მორან ბენ იშაი და იაირ მოზესი, 7 ოქტომბერს ღაზაში გატაცებული კიბუც ნირ ოზის წევრის, გადი მოზეს შვილები. მათივე ინფორმაციით, გადი, მაშავის გამოცდილი ექსპერტია სოფლის მეურნეობის სფეროში, რომელიც არაერთხელ ეწვია საქართველოს, რათა დახმარებოდა ადგილობრივ ფერმერებს პროდუქტიულობის გაზრდასა და სოფლის მეურნეობის განვითარებაში. ღონისძიებას ბევრი მისი ქართველი კოლეგა და მეგობარი დაესწრო.

საქართველოში ისრაელის ელჩმა ჰადას მეიცადმა სიტყვით გამოსვლისას მრავალთვიან ომზე, ასევე, "ჰამასის" მიერ აყვანილ მძევლებზე ისაუბრა.

აგრეთვე, მან ისრაელის გმირობაზე და გამძლეობაზეც გაამახვილა ყურადღებაზე, რაც მისი თქმით, გამოვლინდა არა მხოლოდ ბრძოლებში, არამედ მალევე შექმნილ აღდგენით პროგრამებში, რომელიც საერთო კეთილდღეობასა და წინსვლას ემსახურება.

„მათ საპირისპიროდ, ვინც განადგურებას ლამობდა, ჩვენ ვთესავთ პროგრესსა და ინოვაციას კაცობრიობის საკეთილდღეოდ“, - აღნიშნა ელჩმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024