„საქართველოს სახელმწიფო ელექტროსისტემას“ ენერგეტიკის დარგის პოპულარიზაციის მიზნით, თბილისის 144-ე საჯარო სკოლის უფროსკლასელებს ესტუმრა

„საქართველოს სახელმწიფო ელექტროსისტემას“ ენერგეტიკის დარგის პოპულარიზაციის მიზნით, თბილისის 144-ე საჯარო სკოლის უფროსკლასელებს ესტუმრა.

ამის შესახებ ინფორმაციას „საქართველოს სახელმწიფო ელექტროსისტემაში“ ავრცელებს.

„ახალგაზრდა თაობაში ენერგეტიკის დარგის პოპულარიზაციის მიზნით, „საქართველოს სახელმწიფო ელექტროსისტემა“ აქტიურ რეჟიმში განაგრძობს შემეცნებითი ტურების ჩატარებას თბილისისა თუ რეგიონების სკოლების მოსწავლეებისთვის.

ამჯერად კომპანიას თბილისის 144-ე საჯარო სკოლის უფროსკლასელები ესტუმრნენ. მოსწავლეებმა მოინახულეს სსე-ის სათავო ოფისში განთავსებული ეროვნული სადისპეტჩერო ცენტრი და გაეცნენ მისი ფუნქციონირების პრინციპებს. სსე-ის წარმომადგენლები უფროსკლასელებს ესაუბრნენ ზოგად ენერგეტიკაზე, ენერგეტიკის სფეროში არსებულ მიღწევებსა და გამოწვევებზე, „საქართველოს სახელმწიფო ელექტროსისტემის“ როლზე ქვეყნის ენერგეტიკის განვითარების საქმეში, განახლებადი ენერგიის წარმოების განვითარებისკენ მიმართულ ინიციატივებსა და სხვა მნიშვნელოვან საკითხებზე.

სათავო ოფისის შემდეგ, მოსწავლეები ქვესადგურს „ნავთლუღი 220“ ესტუმრნენ, სადაც მიიღეს ინფორმაცია ელექტროგადამცემი ხაზებისა და ზოგადად ქვესადგურების ფუნქციონირების შესახებ, ჩაერთნენ სხვადასხვა ელექტრომოწყობილობით ელექტროგადამცემი ხაზების შემოწმების პროცესში და დაესწრნენ დიაგნოსტიკის სამსახურის ლაბორატორიაში დამცავი საშუალებების მაღალი ძაბვით გამოცდის პროცესს.

„საქართველოს სახელმწიფო ელექტროსისტემა“ 2016 წლიდან ატარებს შემეცნებით ტურებს. ამ პერიოდიდან, საგანმანათლებლო აქტივობებში თბილისისა და რეგიონების სკოლების 1500-მდე მოსწავლემ მიიღო მონაწილეობა“,- ნათქვამია ინფორმაციაში.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი