გამოცემა ELLE-ს ჟურნალისტები საქართველოს ტურისტულ პოტენციალს გაეცნენ
საქართველოს ტურიზმის ეროვნულმა ადმინისტრაციამ მოდის სფეროში გავლენიანი ჟურნალის ELLE-ს უნგრული რედაქციის წარმომადგენლებს უმასპინძლა.
ტურიზმის ადმინისტრაციის ინფორმაციით, საერთაშორისო გამოცემის ჟურნალისტებმა თბილისის ტურისტული ადგილები დაათვალიერეს, გაეცნენ დედაქალაქის ისტორიულ უბნებს, კულტურას, მუზეუმებს, საგამოფენო სივრცეებს, ქართულ სამზარეულოსა და თანამედროვე მოდის ტრენდებს.
მათივე ცნობით, ELLE-ს უნგრული რედაქცია ქართული სტუმარმასპინძლობის, საქართველოს ტურისტული პოტენციალის, მოდისა და კულტურის შესახებ ვრცელ სტატიას ამზადებს, რასაც გამოცემის მკითხველები გაეცნობიან როგორც ELLE-ვებ-გვერდზე, ასევე სოციალურ ქსელებში.
