პაატა მანჯგალაძე - „ქართული ოცნების“, „ჰესბოლას“ და „ჰამასის“ რიტორიკა დიდად არ განსხვავდება ერთმანეთისგან - როგორც ჩანს, ირაკლი კობახიძემ თავისი სულიერი ძმები იპოვა ირანში

„ქართული ოცნების“, „ჰესბოლას“ და „ჰამასის“ რიტორიკა დიდად არ განსხვავდება ერთმანეთისგან - როგორც ჩანს, ირაკლი კობახიძემ თავისი სულიერი ძმები იპოვა ირანში,- ამის შესახებ „სტრატეგია აღმაშენებლის“ გენერალურმა მდივანმა პაატა მანჯგალაძემ ჟურნალისტებს განუცხადა, რითაც გამოეხმაურა ირანში ირაკლი კობახიძის ვიზიტს.

მანჯგალაძის თქმით, "ჰესბოლაც" და ირანიც საუბრობს, რომ რაღაც დიდი სიონისტური შეთქმულება მართავს მსოფლიოს და “ირაკლი კობახიძე და ბიძინა ივანიშვილიც სადღაც აქ არიან”.

“მე დავინახე ის, რომ “ქართული ოცნების” რიტორიკა და ირანის ისლამური რესპუბლიკის, "ჰესბოლას" და "ჰამასის" რიტორიკა, დიდად არ განსხვავდება ერთმანეთისგან. როგორც ჩანს, ირაკლი კობახიძემ თავისი სულიერი ძმები იპოვა ირანში. "ჰესბოლაც" და ირანიც საუბრობს, რომ რაღაც დიდი სიონისტური შეთქმულება მართავს მსოფლიოს. ირაკლი კობახიძე და ბიძინა ივანიშვილიც სადღაც აქ არიან. ვულოცავ ირაკლი კობახიძეს, თავისი სულიერი ძმები იპოვა "ჰესბოლას" და "ჰამასის" სახით”,- განაცხადა მანჯგალაძემ.

ამისთან, მანჯგალაძე გამოეხმაურა კობახიძის განცხადებას, რომ ბევრი ინფორმაცია აქვთ, “გლობალური ომის პარტიის” ქმედებებზე, რასაც მანჯგალაძემ “წარმოუდგენელი მასშტაბის სიგიჟე” უწოდა.

“მართლა ვიხუმრებდი ასეთ რამეზე, ღალატს რომ არ ვხედავდე ამ ყველაფრის უკან - წარმოუდგენელი მასშტაბის სიგიჟეა, როდესაც საქართველოს პრემიერ-მინისტრი საუბრობს, რომ ამერიკა და ევროპა უნდა გავათავისუფლოთ გლობალური ომის ძალებიდან. რასაც კობახიძე საუბრობს, ასეთი რაღაცები ყვითელ პრესაშიც არ იბეჭდება. პარლამენტში რომ დაარიგეს წიგნები, სადაც შეთქმულებაზე და სიგიჟეებზე იყო საუბარი, როგორც ჩანს, ირაკლი კობახიძემ წაიკითხა. გამოართვით ის წიგნი, მეტი აღარ წაიკითხოს, თორემ მისი მდგომარეობა მძიმეა”,- განაცხადა პაატა მანჯგალაძემ.

გარდა ამისა, პაატა მანჯგალაძემ გენერალური პროკურორის, ირაკლი შოთაძის გადადგომაზეც ისაუბრა, რომელმაც მიზეზად ჯანმრთელობის მდგომარეობა დაასახელა. მანჯგალაძის თქმით, ახლა ამ პოსტისთვის “ქართული ოცნების” შიგნით ბრძოლა დაიწყება.

“შოთაძის ჯანმრთელობაზე ინფორმაცია არ მაქვს, მაგრამ “ქართული ოცნების” ჯანმრთელობაზე გეტყვით, რომ ეტყობა, არ უვარგა ჯანმრთელობა და ნერვული სისტემა ბიძინა ივანიშვილს. შოთაძის ადგილი გათავისუფლდა და შიგნით დაიწყება ბრძოლა იმაზე, ვინ დაიკავებს ადგილს და დარწმუნებული ვარ, ანრი ოხანაშვილი იქნება მოწინავე ადგილზე”,- განაცხადა პაატა მანჯგალაძემ.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი