ლევან ხაბეიშვილი - უმრავლესობისგან გვესმის, რომ სუვერენიტეტი აქვთ დასაცავი - აშშ-სგან იცავენ სუვერენიტეტს?! პროპაგანდა ასეთია, რომ იმ ქვეყნისგან იცავენ თავს, რომელიც წლებია გვეხმარება და მთავარი სტრატეგიული პარტნიორია

ფიქრობთ თუ არა, რომ ხელისუფლება ამ კანონს უკვე იყენებს ანტიდასავლური რიტორიკისთვის? თუ ცივილიზებულ სამყაროს ტალახს ესვრი და იქიდან ფული და მხარდაჭერა გინდა, სავარაუდოდ, ასე ვერ იქნება, - ამის შესახებ „ნაციონალური მოძრაობის“ თავმჯდომარემ, ლევან ხაბეიშვილმა პარლამენტის იურიდიულ საკითხთა კომიტეტის სხდომაზე განაცხადა, სადაც „უცხოური გავლენის გამჭვირვალობის შესახებ“ კანონპროექტზე პრეზიდენტის მოტივირებული შენიშვნები განიხილება.

ხაბეიშვილი კომიტეტის თავმჯდომარე ანრი ოხანაშვილისგან დაინტერესდა, "ხომ არ არსებობს ასეთი პოზიცია - არჩევნებმა და ხალხმა გადაწყვიტოს, იქნებ მათ ისეთი ხელისუფლება უნდათ, რომელიც ასეთ კანონებს იღებს".

„ფიქრობთ თუ არა, რომ ხელისუფლება ამ კანონს უკვე იყენებს ანტიდასავლური რიტორიკისთვის? ჩვენი კოლეგებისგან გვესმის, რომ სუვერენიტეტი აქვთ დასაცავი. აშშ-სგან იცავენ სუვერენიტეტს?! ჩემდა სამწუხაროდ, პროპაგანდა სწორედ ასეთია, რომ იმ ქვეყნისგან იცავენ თავს, რომელიც ჩვენს ქვეყანას წლებია ეხმარება, მათ შორის უსაფრთხოების მიმართულებით. ასევე, არის მთავარი სტრატეგიული პარტნიორი. ჩვენს მეზობლად რუსეთს, რომელიც მთელ საქართველოს დიდი სიამოვნებით გააუქმებდა და საკუთარ გუბერნიად გამოაცხადებდა, თუ რაიმე აკავებს, მგონია, რომ ერთ-ერთი არის აშშ. ფიქრობთ თუ არა, რომ ამ კანონს ხელისუფლება უკვე, ჯერ რომ არ ამოქმედებულა და იყენებს ანტიამერიკული, ანტიდასავლური და ანტიევროპული პროპაგანდისთვის? - უკანასკნელი 45-50 დღის განმავლობაში სახელისუფლებო მედიებიდან ნიაღვარი მოდის, ასევე ხელისუფლების წარმომადგენლების მხრიდანაც.

ვეტოსთან დაკავშირებით ითქვა, რომ „ვეტო არ გადაილახოს“, „ერთი დღით ამოქმედდეს“. თუ მაინცდამაინც ამ ადამიანებს მიაჩნიათ, რომ გინდა თუ არა კანონი უნდა მივიღოთ, ვერც მომწონებელი ნახეს და ვერც პარტნიორი, არ უნდათ ამის დანახვა, თორემ ყველაფერი კარგად იციან, ხომ არ გაქვთ ასეთი პოზიცია, მშვიდობიანად რომ მოხდეს ეს ყველაფერი - არჩევნებია 5 თვეში, შეიძლებოდა, ამ ადამიანებმა მოსახლეობას მშვიდად გადაწყვეტის შესაძლებლობა მისცეს, არჩევნებზე რომ მიიღონ გადაწყვეტილება როგორი ხელისუფლება უნდათ. იქნებ ისეთი ხელისუფლება უნდათ, ცხადია ასეთი წარმოდგება არ მაქვს, რომელიც ასეთ კანონებს იღებს?! რა ხდება ხუთ თვეში ადამიანებს თავ-პირი რომ არ დაალეწონ, თავის ქალა რომ არ ახადონ და ძვლებში რომ არ დაამტვრიონ? ხომ შეიძლება არჩევნებმა და ხალხმა გადაწყვიტოს? ხომ არ ფიქრობთ ასე? და გაქვთ თუ არა მოსაზრება და ჩამოყალიბებული პოზიცია ამ კანონს, რა ეკონომიკური კოლაფსი შესაძლოა მოჰყვეს საქართველოსთვის, რომელიც გამოიხატება ჩვენი ხალხის კიდევ უფრო გაღარიბებაში? გიფიქრიათ თუ არა იმაზე და გაქვთ თუ არა პოზიცია, გააფრთხილებდით თუ არა ხალხს ამ ეკონომიკური კოლაფსის შესახებ, რომელიც ამ კანონის მიღების შემთხვევაში, მათ ნამდვილად ელოდებათ? როცა საქართველო, შესაძლოა, მოექცეს მათ შორის, ჩვენი პარტნიორების მხრიდან ბლოკადაში. თუ ცივილიზებულ სამყაროს ტალახს ესვრი და იქიდან ფული და მხარდაჭერა გინდა, სავარაუდოდ, ასე ვერ იქნება. ამის შესახებ გააფრთხილებდით თუ არა საქართველოს მოქალაქეებს?“ - მიმართა ლევან ხაბეიშვილმა ანრი ოხანაშვილს.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?