გიორგი მსხილაძე - როგორც არ უნდა ვილაპარაკოთ და რამდენიც არ უნდა ვილაპარაკოთ, მაინც ვერ მათქმევინებთ იმას, რაც გინდათ რომ ვთქვა

პრეზიდენტის საპარლამენტო მდივნის, გიორგი მსხილაძის განცხადებით, „უცხოური გავლენის გამჭვირვალობის შესახებ“ კანონპროექტთან დაკავშირებით, პრეზიდენტის მოტივირებული შენიშვნების ნაწილში, მუხლობრივ განხილვაში მონაწილეობის მიღებას არ აპირებს.

კომიტეტის სხდომაზე, კომიტეტის თავმჯდომარე ანრი ოხანაშვილი დაინტერესდა, თუ რატომ არის კანონპროექტის სათაური ცუდი და პრეზიდენტის საპარლამენტო მდივანს შესთავაზა დაეკონკრეტებინა თითოეული მუხლთან დაკავშირებული შენიშვნები.

„რატომ არის სათაური ცუდი? რას გვთავაზობთ მის ალტერნატივად, ეს სათაური რით შევცვალოთ? ისიც დაგვიფიქსირეთ, სათაურზე პასუხს გვაძლევთ თუ არა, ეს გვითხარით?“- აღნიშნა ოხანაშვილმა, რაზეც მსხილაძემ უპასუხა, რომ არ აპირებს ამ კითხვას უპასუხოს.

ანრი ოხანაშვილმა მსხილაძესთან კითხვის დაზუსტება კვლავ სცადა, რატომ არ სურს ამ კითხვაზე პასუხის გაცემა, რასაც პრეზიდენტის საპარლამენტო მდივანმა უპასუხა, რომ „იმიტომ!“

„როგორც არ უნდა ვილაპარაკოთ და რამდენიც არ უნდა ვილაპარაკოთ, მაინც ვერ მათქმევინებთ იმას, რაც გინდათ რომ ვთქვა. შემიძლია ჩამოგითვალოთ მიზეზები რატომ არის ეს კანონი მიუღებელი. არცერთ მუხლზე არ გაძლევთ განმარტებას. არცერთ მუხლობრივ განხილვაში არ შემოგყვებით, გარდა მე-11 მუხლისა. რატომ არ გპასუხობთ? იმიტომ, სხვანაირად არ გესმით და რა გავაკეთო?!“ - განაცხადა მსხილაძემ.

დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი