პაატა კვიჟინაძე - პირიქით რომ ყოფილიყო და ბატონი რომანი ან სხვები დაესანქცირებინათ, ძალიან გავბრაზდებოდი, მეწყინებოდა, წარმოუდგენელია, როგორ შეიძლება უცხო ქვეყანამ დეპუტატი დამისანქციროს?! - რა ხართ, რა ხალხი ხართ, რა გიხარიათ?

პირიქით რომ ყოფილიყო და ბატონი რომანი [გოცირიძე] ან სხვები დაესანქცირებინათ, ძალიან გავბრაზდებოდი, მეწყინებოდა და საერთოდ, წარმოუდგენელია, როგორ შეიძლება უცხო ქვეყანამ დეპუტატი დამისანქციროს?! რა ხართ, რა ხალხი ხართ, რა გიხარიათ? - ამის შესახებ საფინანსო-საბიუჯეტო კომიტეტის სხდომაზე, სადაც ეროვნული ბანკის პრეზიდენტის მოვალეობის შემსრულებელს, ნათია თურნავას მოუსმინეს, კომიტეტის თავმჯდომარე პაატა კვიჟინაძემ განაცხადა.

მანამდე სიტყვიერი დაპირისპირება იყო დეპუტატებს შორის სწორედ სანქციების თემაზე. უფრო კონკრეტულად, „ევროოპტიმისტების“ თავმჯდომარემ რომან გოცირიძემ საქართველოს მოქალაქეების მიმართ სანქციების აღსრულებაზე მექანიზმზე კიდევ ერთხელ ისაუბრა, რამაც უმრავლესობის დეპუტატების კრიტიკა და სხვადასხვა რეპლიკა გამოიწვია. მათ შორის, დეპუტატმა ირაკლი ზარქუამ გოცირიძეს შემდეგნაირად მიმართა: „ისევ იგივეს აკეთებთ, ისევ დაკვეთებით მოქმედებთ“.

გოცირიძემ კი კოლეგებს საპარლამენტო უმრავლესობიდან უთხრა: „კი არ მიხარია, მაგრამ ღირსი ხართ, მეცოდებით, დაგასანქცირებენ იცოდეთ“.

რაც შეეხება კომიტეტის თავმჯდომარის პაატა კვიჟინაძის განცხადებას, როგორც მან აღნიშნა, ადამიანები, ვინც თანამოქალაქეების სანქცირებაზე საუბრობენ, საკუთარი სამშობლო და მოქალაქეები არ უყვართ.

„ჯერ ერთი, სანქცია რის გამო უნდა დააწესონ? - მე მაქვს ეს კანონი, მაგრამ შენ თუ მიიღებ, სანქციას გიწესებო. მაგრამ ამას რომ თავი დავანებოთ - დავფიქრდი, პირიქით რომ ყოფილიყო და ბატონი რომანი ან სხვები დაესანქცირებინათ, ძალიან გავბრაზდებოდი, მეწყინებოდა და საერთოდ, წარმოუდგენელია, როგორ შეიძლება უცხო ქვეყანამ დეპუტატი დამისანქციროს?! რა ხართ, რა ხალხი ხართ, რა გიხარიათ? ჩვენთვის არ აქვს პრინციპული მნიშვნელობა და რა გიხარიათ, ვერ გავიგე. ან რუსეთზე რომ საუბრობთ, „ნაციონალური მოძრაობაა“ აგენტი - გადაეცით ყველაფერი და ომი წამოიწყეთ და „ქართულმა ოცნებამ“ ეგეთი რა გააკეთა, გარდა იმისა, რომ კანდიდატი ქვეყანა გავხდით? ამიტომ, ნუ ეფარებით ნურაფერს. თქვენ, ვინც ამაზე საუბრობს, არ გიყვართ თქვენი სამშობლო და მოქალაქეები“,- განაცხადა პაატა კვიჟინაძემ.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი