ირაკლი კობახიძე ეკონომიკისა და მდგრადი განვითარების სამინისტროს სისტემის წარმომადგენლებს შეხვდა

პრემიერ-მინისტრმა ირაკლი კობახიძემ საქართველოს ეკონომიკისა და მდგრადი განვითარების სამინისტროს ცენტრალური აპარატის და უწყების სისტემაში შემავალი ორგანიზაციების მაღალი და საშუალო რგოლის მენეჯერებთან გაცნობითი ხასიათის შეხვედრა გამართა.

შეხვედრას უძღვებოდა პირველი ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი. ამის შესახებ ინფორმაციას ეკონომიკისა და მდგრადი განვითარების სამინისტრო ავრცელებს.

უწყების ცნობით, შეხვედრაზე პრემიერ-მინისტრმა დადებითად შეაფასა სამინისტროს საქმიანობა ქვეყნის ეკონომიკის განვითარების პროცესში და მადლობა გადაუხადა მათ გაწეული საქმიანობისთვის. ირაკლი კობახიძემ ვრცლად ისაუბრა ეკონომიკური წინსვლის პრიორიტეტულ მიმართულებებზე, სტრატეგიულ პროექტებსა და სამომავლო განვითარების მთავრობისეულ ხედვაზე.

„საჯარო მოხელეებთან საუბრისას, პრემიერ-მინისტრმა ყურადღება გაამახვილა საქართველოში მიმდინარე პოლიტიკურ პროცესებზე, ქვეყანასა და რეგიონში არსებულ გამოწვევებზე, მათ გავლენაზე ეკონომიკურ ცხოვრებაზე. საუბარი წარიმართა ასევე მთავრობის პოლიტიკურ კურსზე სხვადასხვა პრიორიტეტული მიმართულების, მათ შორის, ქვეყნის ევროინტეგრაციის კუთხით.

პირველმა ვიცე-პრემიერმა დადებითად შეაფასა ქვეყნის უმაღლეს პირთან საჯარო მოხელეების კომუნიკაციის ასეთი ფორმატი. მისი თქმით, მსგავს შეხვედრებს დიდი მნიშვნელობა ენიჭება, რადგან საჯარო მოხელეებს ქვეყნის პირველ პირთან უშუალო ურთიერთობის დროს საშუალება ეძლევათ, განიხილონ საქართველოში მიმდინარე პროცესები და მიიღონ ინფორმაცია მთავრობის უმნიშვნელოვანესი გადაწყვეტილებების შესახებ, რომელთა თანამონაწილეებიც თავად არიან.

შეხვედრაზე პრემიერ-მინისტრმა სამინისტროს წარმომადგენლების შეკითხვებს უპასუხა.

ეკონომიკისა და მდგრადი განვითარების სამინისტრო მეორე სამთავრობო უწყებაა, რომლის წარმომადგენლებსაც პრემიერ-მინისტრი შეხვდა“, - ნათქვამია ინფორმაციაში.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024