ირაკლი ქადაგიშვილი - სიმართლე ვერ იქნება ზიანის მომყენებელი - სიმართლესთან შეგუება არის ხოლმე მტკივნეული, მაგრამ, საბოლოოდ ის საქართველოს გააძლიერებს

სიმართლე ვერ იქნება ზიანის მომყენებელი, სიმართლის აღქმა, შეგუება არის ხოლმე მტკივნეული, მაგრამ, საბოლოო ჯამში, ეს სიმართლე იქნება ის, რომელიც საქართველოს გააძლიერებს და ძლიერი საქართველო ნიშნავს ძლიერ პარტნიორს, მათ შორის ევროკავშირისთვის,- ამის შესახებ საპარლამენტო უმრავლესობის წევრმა ირაკლი ქადაგიშვილმა „უცხოური გავლენის გამჭვირვალობის შესახებ“ კანონთან დაკავშირებით განაცხადა.

როგორც ქადაგიშვილმა აღნიშნა, დღეს უმრავლესობა ვეტოს დაძლევს, რადგან ეს არის ქართული კანონი.

„ვეტო დაიძლევა დღევანდელ სხდომაზე, იმიტომ, რომ ეს არის ქართული კანონი. ჩვენ გუშინ საკომიტეტო მოსმენაზე ვიხილეთ ყველამ, როდესაც პრეზიდენტის ვეტოსთან დაკავშირებით, პრეზიდენტს არ ჰქონდა არც ერთი სამართლებრივი არგუმენტი იმასთან დაკავშირებით, თუ რატომ არის ეს კანონი, ან რუსული, ან რატომ არის ეს კანონი ანტიდემოკრატიული, ან რატომ არის ეს კანონი დისკრიმინაციული. ანუ არც ერთ შეკითხვაზე, რომელიც დაისვა ვეტოსთან დაკავშირებით, პრეზიდენტის მხრიდან პასუხი არ ჰქონდათ. კიდევ ერთხელ გიმეორებთ, რომ ჩვენ ყველამ, პარტნიორები იქნებიან თუ მთელი მსოფლიო, ჩვენთან ურთიერთობაში და ჩვენ მათთან ურთიერთობაში ნათელი გზავნილი უნდა გავუგზავნოთ იმასთან დაკავშირებით, რომ საქართველო იღებს მხოლოდ ისეთ კანონებს, რომლებიც არის ქვეყნის ინტერესებში, რომლებიც არ ეწინააღმდეგება სამართლებრივად არც ერთ საერთაშორისო აღიარებულ სტანდარტს და გამჭვირვალობა ეს არის დემოკრატიის საფუძველი. ჩვენ კიდევ ერთხელ ვამბობთ, რომ სიმართლე ვერ იქნება ზიანის მომყენებელი, სიმართლის აღქმა, შეგუება არის ხოლმე მტკივნეული, მაგრამ, საბოლოო ჯამში, ეს სიმართლე იქნება ის, რომელიც საქართველოს გააძლიერებს და ძლიერი საქართველო ნიშნავს ძლიერ პარტნიორს, მათ შორის ევროკავშირისთვის“, - განაცხადა ქადაგიშვილმა.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი