თეონა აქუბარდია უმრავლესობას - გეკითხებით, თუ არაღიარების პოლიტიკას აღარ ცნობთ, მაშინ რისთვის დადიხართ ლათინურ ამერიკაში, სხვა ქვეყნებში, სტეიკის საჭმელად ხომ არა?!

გეკითხებით, თუ არაღიარების პოლიტიკას აღარ ცნობთ, მაშინ რისთვის დადიხართ ლათინურ ამერიკაში, სხვა ქვეყნებში, სტეიკის საჭმელად ხომ არა?! -ასე მიმართა ოპოზიციონერმა დეპუტატმა, თეონა აქუბარდიამ პარლამენტის პლენარულ სხდომაზე პარლამენტის თავმჯდომარე, შალვა პაპუაშვილს.

აქუბარდიას განცხადებით, პაპუაშვილი რუსეთის პროპაგანდის მთავარ გამხმოვანებლად იქცა.

„როდესაც თქვენ კითხვას გისვამენ ვიზიტებზე, თქვენ ამბობთ, რომ არაღიარების პოლიტიკით დადიოდით. დღეს ჩვენ გვეუბნებით, რომ არაღიარების პოლიტიკა არ არსებობს. ჩემთვის გასაგებია ისიც, რატომ აღარ იღებთ ხმას ანექსიის იმ ფაქტებზე, რომელსაც რუსეთი ჩვენს ოკუპირებულ რეგიონებში ახორციელებს. გასაგებია ჩემთვის ის, თუ რა გზას დაადექით რუსეთის სასარგებლოდ. დღეს, როდესაც საქართველოს ისტორია იწერება პარლამენტთან, რუსთაველის გამზირზე და როდესაც კიდევ ერთხელ გვიწევს მნიშვნელოვანი წინააღმდეგობის გაწევა არა მხოლოდ ოკუპანტ სახელმწიფოსთან, არამედ ოკუპანტი სახელმწიფოს შემხიდებელ პოლიტიკურ ძალასთან, რომელსაც „ქართული ოცნება“ ჰქვია, დარწმუნებული ვარ, ამ ბრძოლას ქართველი ხალხი მოიგებს და თქვენ დაასრულებთ თქვენს სამარცხვინო საქმიანობას ქვეყანაში“, - მიმართა აქუბარდიამ პაპუაშვილს.

მის განცხადებას პარლამენტის თავმჯდომარე გამოეხმაურა: „ქალბატონო თეონა, არ ვიცი, თქვენ საერთოდ ისტორიაში შეხვალთ თუ არა და როგორ, მაგრამ ჩემს პირად ისტორიაში შეხვალთ, როგორც ადამიანი, რომელმაც ჩემი ყველაზე მეტი ინტერვიუ ვერ გაიგო“.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?