საბოლოო ჯამში, ყველა უნდა შეეგუოს იმ ფაქტს, რომ საქართველოს პარლამენტმა იმოქმედა ხალხის ნების შესაბამისად, - ამის შესახებ პრემიერ-მინისტრმა, ირაკლი კობახიძემ მთავრობის ადმინისტრაციაში გამართულ ბრიფინგზე განაცხადა. ჟურნალისტის კითხვაზე, თუ რა მოლოდინი აქვს მოვლენების განვითარების, პრემიერმა უპასუხა რომ ელოდება პრაგმატულ მიდგომას.

„პირველ რიგში, მე ველოდები ყველას მხრიდან პრაგმატულ მიდგომას. პრაგმატულობა არის მნიშვნელოვანი. საბოლოო ჯამში, ყველა უნდა შეეგუოს იმ ფაქტს, რომ საქართველოს პარლამენტმა იმოქმედა ხალხის ნების შესაბამისად. მიიღო სამართლებრივად და ყველა თვალსაზრისით სრულად გამართული კანონი.

არცერთი არგუმენტი არ არსებობს ამ კანონის წინააღმდეგ. როდესაც კანონი ითვალისწინებს ერთადერთ რამეს და ეს ერთადერთი რამ არის, წელიწადში ერთხელ დეკლარაციის წარდგენა, შეუძლებელია ასეთი კანონის წინააღმდეგ რამე არგუმენტი გქონდეს“,- განაცხადა კობახიძემ.