მთლიანობაში, ამ კანონმდებლობას ყველაზე დიდი პრობლემა აქვს თავის მიზნებში, რადგან მიზანი, საგარეო ჩარევის დაძლევაა. უცხოური ჩარევა შეიძლება გახდეს ნებისმიერი და არა სახელმწიფოსთვის საზიანო, არამედ გარკვეული პოლიტიკური აქტორებისთვის საზიანო ქცევა, - ამის შესახებ ევროპარლამენტარმა მარკეტა გრიგოროვამ „პალიტრანიუსსა" და „ინტერპრესნიუსთან“ ექსკლუზიურ ინტერვიუში განაცხადა.

მისი თქმით, პრობლემა კანონის არსებობაში არ არის, არამედ ის, თუ როგორ არის შემუშავებული. გრეგოროვა განმარტავს, რომ ეს ნამდვილად ეხება გავლენისა და უცხოური ჩარევის განსხვავებას და განსაზღვრებას, თუ ვისზე მოახდენს ის გავლენას.

რაც შეეხება საქართველოს მიმართ შესაძლო რეგულაციების დაწესებას, ევროპარლამენტარი ვარაუდობს, რომ ეს შეიძლება შემოდგომით მოხდეს.

„როცა იქნება ახალი კომისია, ახალი კომისიის სისწრაფიდან გამომდინარე, საქართველოში საპარლამენტო არჩევნებამდე ან მის შემდეგ, მე პირადად ვიფიქრებდი და ვიმედოვნებდი, რომ ეს მოხდება საპარლამენტო არჩევნების შემდეგ. ეს იქნება ევროკომისიის გადაწყვეტილება. ახლა ძნელი სათქმელია, რას გამოიყენებს ახალი ევროპარლამენტი და ახალი კომისია. ბევრი მექანიზმი არსებობს, მათ შორის განიხილება თანხების გამოყოფის შეჩერება, რეფორმის გასაგრძელებლად და ევროპული გზისკენ, ასევე, უარეს შემთხვევაში, ვიზალიბერალიზაციის გადახედვა. ეს მოლაპარაკებები ამჟამად ევროპულ ქვეყნებში მიმდინარეობს, მაგრამ რას ფიქრობს ამაზე ახალი პარლამენტი და კომისია, ვერ გეტყვით“, - განაცხადა მან.

გრეგოროვას თქმით, ის საქართველოს მიმართ ვიზალიბერალიზაციის გაუქმებას არ ეთანხმება, თუმცა ამ გადაწყვეტილების მიღების არგუმენტი შეიძლება იყოს ის, რომ ხალხმა იგრძნოს, თუ რას ართმევს მათ მთავრობა.

„მე პირადად არ ვარ ზომების დაწესების დიდი გულშემატკივარი, მაგრამ ამის არგუმენტი არის ის, რომ თუ ხალხი ვერ ხედავს და არ აცნობიერებს, რომ ევროპულ გზას მთავრობა ართმევს მათ, მაშინ ევროპას მოუწევს მათი გაკეთება. ნახავენ რა შედეგები მოჰყვება ევროპული გზიდან რუსეთის გზაზე გადასვლას. იმედია, არჩევნებზე გადაწყვეტენ, არის თუ არა ეს ის, რაც მოსახლეობას სურს”, - აცხადებს გრეგოროვა.

ინტერვიუ სრულად იხილეთ ბმულზე.