რომან გოცირიძე - ორმა კენჭისყრამ 110 მილიონი დოლარი შეიწირა, ლარის გასამყარებლად ჯერ 60 მილიონი გაყიდა ეროვნულმა ბანკმა, გუშინ 48 მილიონი დოლარი - ვინ ანგრევს ლარს და ეკონომიკას, ძალიან კარგად არის ცნობილი

მოვისმინეთ პრემიერის არაადეკვატური განცხადება, თურმე ვიღაცას ლარის ჩამოშლა უნდა. ორმა კენჭისყრამ 110 მილიონი დოლარი შეიწირა, ლარის გასამყარებლად ჯერ 60 მილიონი გაყიდა ეროვნულმა ბანკმა, გუშინ 48 მილიონი დოლარი. ვინ ანგრევს ლარს და ეკონომიკას, ძალიან კარგად არის ცნობილი, - ამის შესახებ პარლამენტის ოპოზიციონერმა წევრმა რომან გოცირიძემ პარლამენტში განაცხადა, სადაც ე.წ. ოფშორების კანონპროექტზე პრეზიდენტის მოტივირებული შენიშვნების განხილვა დაიწყო.

რომან გოცირიძემ პრეზიდენტის საპარლამენტო მდივან გიორგი მსხილაძეს კითხვით მიმართა, ე.წ. ოფშორების და „აგენტების კანონი“ გამოიწვევს თუ არა ქვეყნიდან კაპიტალის გადინებას.

„გუშინ მოვისმინეთ პრემიერის არაადეკვატური განცხადება, თურმე ვიღაცას ლარის ჩამოშლა უნდა. ფაქტობრივად, ლარის და ქართული ეკონომიკის ჩამოშლა გამოიწვია „აგენტების კანონმა“. 26%-ით დაეცა ქართული კომპანიების აქციების ფასი ლონდონის ბირჟაზე. კატასტროფაა ეს, თუ გადავიყვანთ ამ აქტივებს 3 მლრდ ლარამდეა. სავალუტო ფონდმა, ჯერ კიდევ „აგენტების კანონის“ მიღებამდე რამდენიმე დღის წინ გამოაქვეყნა დასკვნა, რომ ეროვნული ბანკის რეზერვები უკვე ჩამოსცდა კრიტიკულ ზღვარს, შესაძლოა, საგანგაშო ვითარება შექმნას, თუ ინვესტიციები არ შემოვიდა. ორმა კენჭისყრამ 110 მილიონი დოლარი შეიწირა, ლარის გასამყარებლად ჯერ 60 მილიონი გაყიდა ეროვნულმა ბანკმა, გუშინ 48 მილიონი დოლარი. ვინ ანგრევს ლარს და ეკონომიკას, ძალიან კარგად არის ცნობილი.

ე.წ. ოფშორების ეს კანონი, რა გავლენას მოახდენს საინვესტიციო კლიმატზე? ისედაც ჩამონგრეულ ქვეყნის რეპუტაციაზე.

ამ „რუსული აგენტების კანონის“ მიღების შემდეგ, როდესაც მთელმა მსოფლიომ დაგმო ეს კანონი, გუშინ ერთადერთი სახელმწიფო, რომელმაც მიულოცა ამ პარლამენტს კანონის მიღება, რუსეთის ფედერაციის ოფიციალური წარმომადგენელი კარასინი იყო. მან მიულოცა საქართველოს მთავრობას და პარლამენტს „აგენტების რუსული კანონის“ მიღება.

ე.წ. ოფშორების და „აგენტების კანონი“ გამოიწვევს თუ არა ქვეყნიდან კაპიტალის გადინებას? ძალიან კარგად უნდა გავაცნობიეროთ, რომ საქართველოს საბანკო სისტემა, რომელსაც მაღალი რეპუტაცია ჰქონდა, ამ სისტემაში 3 მილიარდი დოლარი ინახება მხოლოდ ფიზიკური პირების, უცხოელი მოქალაქეების, დაახლოებით მილიარდ ნახევარი არ არის რუსული ფული, სხვა ქვეყნის ფულია. რა მოუვა ამ ფულს? გაიქცევა თუ არა და გახდება თუ არა კრიმინალური რუსული ფულის სამრეცხაო საქართველო ამ კანონის შემდეგ? - მიმართა გოცირიძემ პრეზიდენტის საპარლამენტო მდივანს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024