ლევან დავითაშვილი - მიუხედავად მოკლევადიანი მღელვარებისა, რომელიც შეიძლება ინვესტორებს ჰქონდეთ, მათთვის გასაგები იქნება, რომ ჩვენთან სანდო ეკონომიკური გარემოა - ასეთი პოლიტიკური მღელვარება არაერთხელ ყოფილა

არამარტო ჩვენი ქვეყნის ცხოვრებაში ყოფილა არაერთი ასეთი პოლიტიკური მღელვარება. გაცხადებული პრიორიტეტები გვაქვს, რაც ძალიან მკაფიოა. ეს უკავშირდება ევროინტეგრაციას, ევროპასთან მეტ თანამშრომლობას, ხარისხიან თანამშრომლობას. ეს იმ რეჟიმში გაგრძელდება, როგორც არის გაცხადებული,- ამის შესახებ პირველმა ვიცე-პრემიერმა, ეკონომიკისა და მდგრადი განვითარების მინისტრმა, ლევან დავითაშვილმა განაცხადა, რითაც უპასუხა კითხვას, გამოიწვევს თუ არა უარყოფითი ეკონომიკურ ეფექტს „უცხოური გავლენის გამჭვირვალობის“ შესახებ კანონი.

მისივე თქმით, მიუხედავად მოკლევადიანი მღელვარებისა, რომელიც შეიძლება ინვესტორებს ჰქონდეთ, სწორი კომუნიკაციის პირობებში ინვესტორებისთვის გასაგები იქნება, რომ საქართველოში გრძელვადიანად სანდო ეკონომიკური გარემოა.

„რაც შეეხება გრძელვადიან ეკონომიკურ პერსპექტივებს, ჩვენი მოლოდინია, რომ ეკონომიკა გააგრძელებს სტაბილურ განვითარებას. ასევე, მოლოდინია, რომ გვექნება ძალიან შინაარსობრივი დიალოგი, ამას ალტერნატივა არ აქვს. ბოლო დღეების განმავლობაში გვქონდა ძალიან ემოციური პროცესები, მაგრამ არ გვქონია დიალოგის რეჟიმი, შინაარსობრივი განხილვები საკითხებთან დაკავშირებით.

მიუხედავად მოკლევადიანი მღელვარებისა, რომელიც შეიძლება ინვესტორებს ჰქონდეთ, სწორი კომუნიკაციის პირობებში ინვესტორებისთვის გასაგები იქნება, რომ არის გრძელვადიანად სანდო ეკონომიკა.

ბოლო წლებში ამას აჩვენებდა საქართველოს ეკონომიკა. ინვესტორებისთვის ეს იყო ერთ-ერთი მიმზიდველი გარემო. ბოლო 3 წლის განმავლობაში ჩვენ 5 მილიარდზე მეტი პირდაპირი უცხოური ინვესტიცია მივიღეთ. ეს ინვესტიციები იმიტომ მივიღეთ, რომ აქ იყო ნდობა, ისეთი ეკონომიკური გარემო, რომელიც ინვესტორებისთვის ხელსაყრელი იყო. ისეთ სარგებელს იღებდნენ, რომელსაც სხვა ეკონომიკებში ვერ მიიღებდნენ.

საქართველოს ეკონომიკა ამ მიმზიდველობას შეინარჩუნებს, საბოლოოდ ინვესტორებისთვის ობიექტურად დასაყრდენია ის ინდიკატორები და რეიტინგები, რომელიც მოდის კომპეტენტური სარეიტინგო შემფასებელი კომპანიების მხრიდან. ჩვენ შევინარჩუნებთ ამ მაკროეკონომიკურ სტაბილურობას, საკმაოდ ტენდენციური მაღალი პასუხისმგებლობის მაკროეკონომიკური პოლიტიკა გვაქვს.

მოკლევადიანი რყევები გვაქვს. რაც შეეხება პოლიტიკურ პროცესებს, უალტერნატივოა დიალოგი და კომუნიკაცია. არამარტო ჩვენი ქვეყნის ცხოვრებაში ყოფილა არაერთი ასეთი პოლიტიკური მღელვარება. გაცხადებული პრიორიტეტები გვაქვს, რაც ძალიან მკაფიოა. ეს უკავშირდება ევროინტეგრაციას, ევროპასთან მეტ თანამშრომლობას, ხარისხიან თანამშრომლობას. ეს იმ რეჟიმში გაგრძელდება, როგორც არის გაცხადებული“, - აღნიშნა დავითაშვილმა.

ამასთან, კითხვაზე, ელოდება თუ არა სანქციებს, ლევან დავითაშვილმა უპასუხა: "არ ველოდები".

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024