მიხეილ სარჯველაძე - უკლებლივ ყველა პროგრამა, რომელიც ჯანდაცვის სექტორში დაფინანსებას ექვემდებარება, გაგრძელდება - ოპოზიცია, რომ არ მონაწილეობს უმნიშვნელოვანესი საკითხების განხილვაში, დასანანი პრაქტიკაა და არასწორია

ოპოზიცია, რომ არ მონაწილეობს ქვეყნისთვის უმნიშვნელოვანესი საკითხების განხილვაში, როგორიცაა ჯანდაცვის სერვისი, საზოგადო და სოციალური საკითხები, ეს იმთავითვე დასანანი პრაქტიკაა და არასწორია, - ამის შესახებ ჯანდაცვის მინისტრმა, მიხეილ სარჯველაძემ „მინისტრის საათის” ფორმატში მისი ანგარიშის მოსმენის დაწყებამდე განაცხადა.

სარჯველაძის თქმით, დემოკრატიული პროცესებისთვის აუცილებელია, რომ ოპოზიცია თავის ფუნქციას რეალურად ასრულებდეს, მით უფრო ისეთი საკითხებზე დისკუსიის დროს, რომელიც ეხება პაციენტის უფლებებს, სოციალურ უზრუნველყოფას თუ სხვა.

„ოპოზიცია, რომ არ მონაწილეობს ქვეყნისთვის უმნიშვნელოვანესი საკითხების განხილვაში, როგორიც ჯანდაცვის სერვისი, საზოგადო და სოციალური საკითხებია, ეს იმთავითვე დასანანი პრაქტიკაა და არასწორია. ვფიქრობ, რომ მათ შორის დემოკრატიული პროცესებისთვის აუცილებელია, რომ ოპოზიცია თავის ფუნქცია რეალურად ასრულებდეს, მით უფრო ისეთი საკითხებზე დისკუსიის დროს, რომელიც მნიშვნელოვანია ჩვენი ქვეყნის თითოეული მოქალაქისთვის - ეხება პაციენტის უფლებებს, სოციალურ უზრუნველყოფას თუ სხვა.

რაც შეეხება მოსალოდნელ კითხვებს, [ველოდები] იმ კანონზე, რომელზეც საზოგადოებაში დიდი დისკუსია გაიმართა, თუმცა ეს დისკუსია მთლიანად დაცლილი იყო საგნობრიობისგან. სამწუხაროდ, სწორედ ამან განაპირობა ის ფაქტი, რომ საზოგადოებას დღეს შეიძლება სადმე რამე კითხვა უჩნდებოდეს, ხომ არ შეიძლება ამ კანონმა რაიმე ნეგატიური გავლენა მოახდინოს მათ შორის ამ სექტორში დაფინანსების შესაძლებლობებთან დაკავშირებით. ვინც კანონი წაიკითხა, გაეცნო აქ არსებულ მდგომარეობას და იცის ჯანდაცვის სექტორი, უბრალოდ ასეთი კითხვის გაჩენისთვისაც საფუძველი არ არსებობს. რეალურად, უკლებლივ ყველა პროგრამა, ყველა საჭირბოროტო საკითხი და მნიშვნელოვანი თემა, რომელიც ჯანდაცვის სექტორში დაფინანსებას ექვემდებარება, რასაკვირველია, გაგრძელდება”, - აღნიშნა სარჯველაძემ.

გარდა ამისა, მიხეილ სარჯველაძე გამოეხმაურა ფონდი „ფეა თრიიზ“ მიერ გავრცელებულ განცხადებას და აღნიშნა, რომ „ეს ჭიქაში ქარიშხლის მოწყობის უსუსური მცდელობაა“.

„გარდა ამისა, იქნება გარკვეული ინსინუაციები. მაგალითად, ისეთი, რაც ვნახეთ ბადრი ჯაფარიძისგან მართული ერთ-ერთი ორგანიზაციის მხრიდან, რომ არასრულწლოვანებისთვის ერთ-ერთ მუნიციპალიტეტში სამედიცინო სერვისის შეწყვეტასთან დაკავშირებით. მინდა საზოგადოება დავარწმუნო, რომ ეს არის ჭიქაში ქარიშხლის მოწყობის უსუსური მცდელობა იმიტომ, რომ მინდა ყველას სრული პასუხისმგებლობით ვუთხრა, რომ ამ კანონს არავითარი მიზეზი არ შეუქმნია, რომ თუკი ვინმე ამ ქვეყანაში ქველმოქმედებას ეწევა, ამაზე ხელი აიღოს. თუ საქართველოში ვინმეს ქველმოქმედების განხორციელების სურვილი ჰქონდა, მას ამისი შესაძლებლობა ექნება და ყველა მადლიერი იქნება. თუ ვინმეს ამისი სურვილი არ აქვს, აუცილებელი არ არის, რომ ამისთვის ხელოვნური მიზეზი შექმნან, როგორიც დასახელებულია”,- აღნიშნა მიხეილ სარჯველაძემ.

ცნობისთვის, ფონდმა „ფეა თრიიზ“ გაავრცელა განცხადება და ონის მერიისთვის გაგზავნილი წერილი, სადაც უწყებასთან თანამშრომლობის გაწყვეტის შესახებაა საუბარი. წერილში ნათქვამია, რომ ფონდი იძულებულია შეწყვიტოს 2023 წელს დაწყებული თანამშრომლობა ონის მუნიციპალიტეტის მერიასთან ონში ბავშვთა უფასო სტომატოლოგიური კლინიკის გახსნასთან დაკავშირებით. მიზეზად დასახელებულია „უცხოური გავლენის გამჭვირვალობის შესახებ“ კანონის მიღება და განმარტებულია, რომ აღნიშნული კანონის თანახმად, შესაძლოა, ფონდს დააკისრონ ჯარიმები და შეუქმნან ფინანსური სირთულეები. როგორც ფონდში აცხადებენ, სახელმწიფო სტრუქტურებთან თანამშრომლობის სივრცე აღარ დარჩათ. როგორც ფონდში განმარტავენ, ინფორმაცია ეხება ქალაქ ონში დაგეგმილი ბავშვთა უფასო სტომატოლოგიური კლინიკის გახსნას და არა ამბროლაურში არსებულ, უკვე ფუნქციონირებად, ფონდის კლინიკას.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი