შვეიცარიაში, სამშვიდობო სამიტზე აშშ-ს ვიცე-პრეზიდენტი კამალა ჰარისი წარმოადგენს, - ამის შესახებ ინფორმაციას აშშ-ის ვიცე-პრეზიდენტის კომუნიკაციების დირექტორი, კირსტენ ალენი ავრცელებს.

„ვიცე-პრეზიდენტი ხაზს გაუსვამს ბაიდენ-ჰარისის ადმინისტრაციის ვალდებულებას, სამართლიანი და ხანგრძლივი მშვიდობის მისაღწევად უკრაინის ძალისხმევას მხარი დაუჭიროს, რომელიც უკრაინის სუვერენიტეტსა და ტერიტორიულ მთლიანობას ეფუძნება“, - განაცხადა კირსტენ ალენმა.

მისივე თქმით, კამალა ჰარისი უკრაინელი ხალხის მიმართ მხარდაჭერას კიდევ ერთხელ დაადასტურებს.

კამალა ჰარისთან ერთად აშშ-ის დელეგაციის შემადგენლობაში თეთრი სახლის მრჩეველი უსაფრთხოების საკითხებში, ჯეიკ სალივანიც იქნება.

შეგახსენებთ, უკრაინისთვის პირველი სამშვიდობო სამიტი შვეიცარიაში, 15-16 ივნისს გაიმართება.