პარლამენტს იუსტიციის უმაღლესმა საბჭომ უზენაესი სასამართლოს მოსამართლეობის სამ ვაკანტურ თანამდებობაზე ასარჩევად კანდიდატურები წარუდგინა

პარლამენტს იუსტიციის უმაღლესმა საბჭომ უზენაესი სასამართლოს მოსამართლეობის სამ ვაკანტურ თანამდებობაზე ასარჩევად ბადრი შონიას, გოჩა ჯეირანაშვილისა და გიზო უბილავას კანდიდატურები წარუდგინა.

უზენაესი სასამართლოს მოსამართლეობის კანდიდატურებს დამტკიცებამდე პარლამენტის იურიდიულ საკითხთა კომიტეტი მოუსმენს. კომიტეტი მათთან გასაუბრებას 7 ივნისს გეგმავს.

მანამდე კი, პროცედურის გათვალისწინებით, იურიდიულ საკითხთა კომიტეტმა სამუშაო ჯგუფი შექმნა. სამუშაო ჯგუფის შექმნის მიზანი წარდგენილი კანდიდატების კონსტიტუციასთან და კანონთან შესაბამისობის დადგენაა.

ჯგუფს რატი იონათამიშვილი უხელმძღვანელებს. მის შემადგენლობაში იქნებიან ფრაქცია “ქართული ოცნების“ დეპუტატები: - ანრი ოხანაშვილი, დავით მათიკაშვილი, თენგიზ შარმანაშვილი, ირაკლი შატაკიშვილი, ალექსანდრე ტაბატაძე, ქეთევან ჩარკვიანი, ალუდა ღუდუშაური, რატი იონათამიშვილი, გივი მიქანაძე, იმედა ნიკურაძე, სალომე ქურასბედიანი, ირაკლი კირცხალია, გენრიეტა წიწავა, ლევან მაჭავარიანი, სავალან მირზოევი. ასევე, “ხალხის ძალის“ წევრი გურამ მაჭარაშვილი და “ევროპელი სოციალისტების წარმომადგენელი ფრიდონ ინჯია.

როგორც კომიტეტის სხდომაზე კომიტეტის თავმჯდომარემ ანრი ოხანაშვილმა განაცხადა, სამუშაო ჯგუფის შემადგენლობაში თითო-თითო კანდიდატის წარდგენის თაობაზე ინფორმაცია ყველა ფრაქციას, პოლიტიკურ ჯგუფებსა და დამოუკიდებელ დეპუტატს გაეგზავნა, თუმცა ოპოზიციის მხრიდან კანდიდატები წარდგენილი არ არის.

“ცალკეულმა ოპოზიციონერმა დეპუტატმა მოიწერა, რომ სამუშაო ჯგუფში ნოემბერში ჩაერთვება. ეს ის ხალხია, ვინც მომდევნო მოწევევის პარლამენტში შეიძლება საერთოდ ვერ მოხვდნენ. ამიტომ გაითვალისწინონ, რომ შანსი ხელიდან არ დაუშვან და ნოემბერს ნუ დაელოდებიან, რადგან ეს კონკრეტული დეპუტატები, ვისაც პრეტენზია აქვს, რომ თურმე ნოემბრეში ჩაერთვებიან, პარლამენტში, შესაძლოა საერთოდ აღარ იყვნენ“, - განაცხადა ოხანაშვილმა კომიტეტის სხდომაზე და აქვე დასძინა, რომ ოპოზიციას სამუშაო ჯგუფში ჩართვის დრო დღეს, დღის ბოლომდე აქვთ.

გარსა ამისა, ოხანაშვილის ინფორმაციით, სამუშაო ჯგუფში ჩართვა სთხოვეს თსუ-ს იურიდიულ ფაკულტეტის ხელმძღვანელს და ასევე იურიდიული დახმარების სამსახურის უფროსს. მისივე თქმით, უზენაესი სასამართლოს მოსამართლეობის კანდიდატების გასაუბრების პროცესში მონაწილეობას მიიღებს ადვოკატთა ასოციაცია და სახალხო დამცველის ოფისი.

უზენაესი სასამართლოს მოსამართლეებს პარლამენტი სრული უმრავლესობით ამტკიცებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024