ივანე ჩხაიძე - მკვეთრად მომატებულია ყივანახველის შემთხვევები - არასრული 5 თვის განმავლობაში, ყივანახველის გაცილებით უფრო მეტი შემთხვევა გვაქვს, ვიდრე 2023 წელს გვქონდა

ყველა სამედიცინო ცენტრი, რომელიც პედიატრიულ პაციენტებს მართავს, აღნიშნავს, რომ კვლავ მკვეთრად მომატებულია ყივანახველის შემთხვევები - არასრული 5 თვის განმავლობაში, ყივანახველის გაცილებით უფრო მეტი შემთხვევა გვაქვს, ვიდრე 2023 წელს გვქონდა,- ამის შესახებ იმუნიზაციის ტექნიკურ მრჩეველთა ეროვნული ჯგუფის ხელმძღვანელმა, „იაშვილის სახელობის ბავშვთა ცენტრალური საავადმყოფოს“ სამედიცინო დირექტორმა, ივანე ჩხაიძემ „ინტერპრესნიუსთან“ განაცხადა.

მისივე თქმით, ქვეყანაში ბავშვების ვაქცინაციის მაჩვენებელი შემცირებულია და ჯერ კიდევ ვერ დაუბრუნდა საქართველო პანდემიამდე პერიოდს, სადაც ვაქცინებით მოცვის მაღალი მაჩვენებელი გვქონდა.

„ამ არასრული 5 თვის განმავლობაში, ყივანახველის გაცილებით უფრო მეტი შემთხვევა გვაქვს, ვიდრე 2023 წლის განმავლობაში გვქონდა. გაცილებით უფრო მეტია… შემთხვევების მატება სახეზე გვაქვს და სამწუხაროდ, ეს ტენდენცია რომც არ გაგრძელდეს შეგვიძლია ვთქვათ, რომ ყივანახველის შემთხვევები ბევრად მეტი იქნება, ვიდრე ეს გასულ წელს იყო.

სამწუხაროდ, ბავშვების ვაქცინაციის მაჩვენებელი შემცირებულია. ძალიან ბევრმა ადამიანმა გადახედა პანდემიის შემდეგ ვაქცინებისადმი დამოკიდებულებას. 2022 წელს მძიმე ვითარება იყო. ეს ეხებოდა არა მხოლოდ ყივანახველის, ასევე წითელას, წითურას, ყბაყურას საწინააღმდეგო ვაქცინებსაც. 2023 წელს შედარებით გამოსწორდა, მაგრამ ჯერ კიდევ ვერ დაუბრუნდა საქართველო პანდემიამდე პერიოდს, სადაც ვაქცინებით მოცვის მაღალი მაჩვენებელი გვქონდა.

გამოტოვებულმა ვაქცინებმა განაპირობა ყივანახველის შემთხვევების მატება ბავშვებში. ეს ტენდენცია გაგრძელდება, თუ არ მივაწვდენთ ყველას ხმას, რომ არ არსებობს არცერთი ინფექციის მიმართ ისეთი ეფექტური მედიკამენტი, რასაც ვაქცინებით ვიცილებთ თავიდან.

თუ ვინმე გამოტოვა წითელას, წითურას, ყბაყურას საწინააღმდეგო ვაქცინა 1 წლის ასაკში, შეუძლია გაიკეთოს. არ უნდა ჩათვალოთ, რომ თუ ვაქცინა არ გაკეთე თავის დროზე, ახლა დაგვიანებულია და აზრი არ აქვს. ძალიან ხშირად გვიწევს ყივანახველის შემთხვევების დიაგნოსტირება, როგორც ამბულატორიულ პრაქტიკაში, ისე სტაციონარული პაციენტების მიღებისას. ყივანახველის შემთხვევების მატება მხოლოდ ლაბორატორიულად არ ხდება, ასევე კლინიკურადაც. ყველა სამედიცინო ცენტრი, რომელიც პედიატრიულ პაციენტებს მართავს, აღნიშნავს, რომ კვლავ მკვეთრად მომატებულია ყივანახველის შემთხვევები“,-აღნიშნა ჩხაიძემ.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი