გიორგი კახიანი - გაუგებარია, პარლამენტის ერთი წევრი თუ მოხვდა სიაში, მაშინ რატომ არ უნდა ყოფილიყო დარჩენილი 83? - ჩვენ გათავისებული გვაქვს, რომ სუვერენიტეტისთვის ბრძოლაში ერთი ნაბიჯით უკან დამხევი არავინ არ არის

რა თქმა უნდა, არ არის სასიამოვნო, მაგრამ საერთოდ, პრობლემას ვერ ვხედავ, როდესაც კონკრეტული პირების დასანქცირება ხდება - უმრავლესობის ყოველ წევრს გათავისებული გვაქვს, რომ ჩვენ ვიცავთ ჩვენი ქვეყნის ინტერესს, სუვერენიტეტს და ამ ბრძოლაში ერთი ნაბიჯით უკან დამხევი არავინ არ არის, სანქციებზე არის საუბარი, თუ რაიმე სხვა სახის ზომებზე, - ამის შესახებ „ქართული ოცნების“ დეპუტატმა, გიორგი კახიანმა უმრავლესობის წევრების მიმართ ამერიკის შეერთებული შტატების მიერ დაწესებულ სანქციებზე საუბრისას განაცხადა.

მისი თქმით, უმრავლესობაში სანქციების შესახებ შეტყობინებები არავის მიუღია და „ალბათ, ასეთი ფორმა არც არსებობს“.

როგორც კახიანი აღნიშნავს, აშშ-ს გადაწყვეტილება უსამართლო იყო, თუმცა ამის მიუხედავად, ურთიერთობების ნორმალიზება უნდა მოხდეს, რადგან ეს ორივე ქვეყნის ინტერესშია.

„არ იყო ეს სწორი გადაწყვეტილება. მე ვფიქრობ, რომ ამ ვითარებაში უნდა გადადგმულიყო ისეთ ნაბიჯები, რომელიც მდგომარეობის ნორმალიზებას მოახდენდა, იმიტომ, რომ ეს არის როგორც ჩვენი ქვეყნის, ისე ამერიკული მხარის ინტერესში. ჩვენ ვართ სტრატეგიული პარტნიორები და ბუნებრივია, ურთიერთობების ნორმალიზება და კიდევ უფრო გაღრმავება ორივე მხარის ინტერესში უნდა იყოს. ამავდროულად, ვფიქრობ, რომ უსამართლო გადაწყვეტილება იყო, თუ გავითვალისწინებთ იმას, რომ მთელი ამ ხნის განმავლობაში საქართველომ ერთგულების და ნდობის მეტი, მე მგონი, არაფერი დაიმსახურა ჩვენი პარტნიორების [მხრიდან]. მე მაინც მგონია, რომ ადრე თუ გვიან, ამ პროცესის ნორმალიზება აუცილებლად მოხდება. ეს არის ორივე მხარის ინტერესში, მაგრამ სამწუხაროდ, ასეთი მოქმედებები უბრალოდ, ახანგრძლივებს ამ დროს.

მაშინ როდესაც „გამჭვირვალობის“ კანონის მიღების გამო მოხდა პარლამენტის წევრების დასანქცირება, უბრალოდ გაუგებარია, პარლამენტის ერთი წარმომადგენელი თუ მოხვდა ამ სიაში, მაშინ რატომ არ უნდა ყოფილიყო დარჩენილი 83? იმიტომ, რომ ყველა ერთნაირად უჭერდა ამ კანონს მხარს და მით უმეტეს, საზოგადოების უდიდესი ნაწილი უჭერს მხარს ამ კანონის მიღებას ,“ - განაცხადა კახიანმა.

ცნობისთვის, ამერიკის შეერთებულმა შტატებმა სავიზო შეზღუდვების პირველი ტრანში გამოაცხადა - შეზღუდვები დაუწესდებათ “ქართული ოცნების” წევრებს, პარლამენტის წევრებს, სამართალდამცავებს და კერძო პირებს.

როგორც აშშ-ის სახელმწიფო დეპარტამენტის სპიკერმა, მეთიუ მილერმა განმარტა, სავიზო შეზღუდვების პირველი ტრანში 24-დან 36 პირს მოიცავს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024