Nexia Georgia ბიზნესს პერსონალურ მონაცემთა დაცვის სერვისს შესთავაზებს

საერთაშორისო აუდიტორული კომპანიის „ნექსია საქართველოს“ სერვისების მრავალფეროვან ჩამონათვალს ახალი მიმართულება დაემატა, რომელიც ბიზნესს პერსონალურ მონაცემთა დაცვის კუთხით სრულ მხარდაჭერას შესთავაზებს.

„პერსონალურ მონაცემთა დაცვის შესახებ“ ახალი კანონი, რომელიც მიმდინარე წლის 1 მარტიდან ამოქმედდა, საჯარო და კერძო ორგანიზაციებს პერსონალურ მონაცემთა დაცვის ოფიცრის დანიშვნის/განსაზღვრის ვალდებულებას აკისრებს, არაუგვიანეს 2024 წლის 1 ივნისისა.

რა ახალი საჭიროებების წინაშე დადგა ბიზნესი ახალი კანონის ამოქმედებით და რას სთავაზობს Nexia ბიზნესს - ამის შესახებ კომპანიის პერსონალურ მონაცემთა დაცვის მიმართულების ხელმძღვანელი, ზურაბ აზნაურაშვილი გვესაუბრა.

„Nexia-მ, როგორც აუთსორს მომსახურების ერთ-ერთმა ლიდერმა კომპანიამ, რომელიც წლებია, ბიზნეს სექტორს მაღალი ხარისხის სერვისებს სთავაზობს, ამჯერად, პროფესიონალი იურისტებითა და სერტიფიცირებული ოფიცრებით დაკომპლექტებული სრულიად ახალი მიმართულება შექმნა, რომელიც მსხვილ და საშუალო ბიზნესს ახალი კანონით დაკისრებული ვალდებულებების სწორად შესრულებასა და საქმიანობის ახალ რეგულაციებთან შესაბამისობაში მოყვანაში ეხმარება. აღნიშნული სერვისი, მოიცავს პერსონალურ მონაცემთა დაცვასთან დაკავშირებით საჭირო შიდა რეგულაციებისა და მონაცემთა დაცვაზე ზეგავლენის შეფასების დოკუმენტის შემუშავებას, თანამშრომელთა გადამზადებასა და ნორმატიული აქტებისა და შიდა ორგანიზაციული დოკუმენტების შესრულების პერიოდულ მონიტორინგს.

ჩვენი მიზანია, ბიზნეს-სექტორს, ისევე როგორც ყველა სხვა მიმართულებით, პერსონალურ მონაცემთა დაცვის კუთხითაც გავუწიოთ მაღალი დონის სერვისი, რომელიც ეფუძნება საუკეთესო ევროპულ გამოცდილებას და მონაცემთა დაცვის შესახებ ევროკავშირის რეგულაციებს (GDPR) შეესაბამება“ - ზურაბ აზნაურაშვილი, Nexia-ს პერსონალურ მონაცემთა დაცვის მიმართულების ხელმძღვანელი.

შეგახსენებთ, რომ პერსონალური მონაცემების დამუშავების პოლიტიკის გაწერის ვალდებულება აქვს ყველა ორგანიზაციას, თუმცა ოფიცრის ყოლის ვალდებულება განსაზღვრულია შემდეგი ტიპის ორგანიზაციებისთვის:

  1. საჯარო დაწესებულება
  2. სადაზღვევო ორგანიზაცია
  3. საკრედიტო-საფინანსო ინსტიტუტები: კომერციული ბანკი; მიკროსაფინანსო ორგანიზაცია; საკრედიტო ბიურო
  4. ელექტრონული კომუნიკაციის კომპანია
  5. ავიაკომპანია და აეროპორტი
  6. სამედიცინო დაწესებულება
  7. ვინც ამუშავებს დიდი რაოდენობით მონაცემს, რაც დაკონკრეტებულია მოსახლეობის 1%-ის (განსაკუთრებული მონაცემის შემთხვევაში) ან 3%-ის მონაცემებს
  8. ვინც ახორციელებს მოსახლეობის ქცევის სისტემატურ და მასშტაბურ მონიტორინგს (დაზუსტებულია სამსახურის №22 ბრძანებით): კერძო სკოლები და საბავშვო ბაღები, რომლებიც აკვირდებიან მოსწავლეების ქცევას; სამშენებლო კომპანიები, რომლებიც იკვლევენ მომხმარებლების ქცევას; სასტუმროები, რომლებიც აანალიზებენ სტუმრის სურვილებს და მოთხოვნებს; და სხვა მსგავსი ქცევის ანალიზის შემთხვევები; ასევე, ინტერნეტრესურსები, სადაც ხდება მონაცემთა სუბიექტის წინასწარი რეგისტრაცია;

ოფიცერი შეიძლება იყოს როგორც ორგანიზაციის თანამშრომელი, რომელიც არ არის ჩართული მონაცემების დამუშავების პროცესში, ასევე, აუთსორსინგ სერვისზე დაკონტრაქტებული იურიდიული ან ფიზიკური პირი, ვინც ორგანიზაციისთვის არ ახორციელებს ისეთ მომსახურებას, რომელიც მონაცემების დამუშავებას ითვალისწინებს.

(R)

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი