პრეზიდენტი - ე.წ. ლგბტ პროპაგანდის წინააღმდეგ მომზადებული ცვლილებები,  ე.წ „ოფშორების კანონი“ და „დაგროვებითი პენსიის შესახებ“ კანონი  - სამივე არის „რუსული კანონი“

ე.წ. ლგბტ პროპაგანდის წინააღმდეგ მომზადებული საკონსტიტუციო ცვლილებები, ე.წ ოფშორების კანონი და “დაგროვებითი პენსიის შესახებ” კანონი - სამივე არის „რუსული კანონი“, - ამის შესახებ საქართველოს პრეზიდენტმა , სალომე ზურაბიშვილმა ახალგაზრდებთან შეხვედრისას განაცხადა.

ზურაბიშვილის განმარტებით, ხელისუფლების მიზანია წინა საარჩევნოდ ამ კანონპროექტების წინააღმდეგ ბრძოლით დაიხარჯოს ოპოზიციის ენერგია, რაც არ იქნება სწორი.

პრეზიდენტის თქმით, „ქართულ ქარტიაში“ წერია, რომ ყველა „რუსული კანონი“ გაუქმდება.

„რაც შეეხება ახალ კანონებს: ე.წ. ლგბტ პროპაგანდის წინააღმდეგ მომზადებული საკონსტიტუციო ცვლილებები, ე.წ ოფშორების კანონი და „დაგროვებითი პენსიის შესახებ“ კანონი სამივე არის „რუსული კანონი“. ამის წინააღმდეგ ცალ-ცალკე ბრძოლა არ იქნება სწორი, რადგან ამით მთელი ენერგია დაიხარჯება, რომელიც უნდა გადავიდეს არჩევნებზე. სწორედ, ხელისუფლების ტაქტიკაა, გადაგვიყვანოს სხვადასხვა საკითხებზე და არა მთავარზე, რომელიც არის არჩევნებისთვის მომზადება. ქარტიაში წერია, რომ გააუქმებს ყველა „რუსულ კანონს“, - განაცხადა ზურაბიშვილმა.

პრეზიდენტის ინფორმაციით, ხელისუფლება ე.წ. ლგბტ პროპაგანდის წინააღმდეგ კანონის მიღებას წინა საარჩევნოდ, სექტემბერში აპირებს, რათა მოხდეს საზოგადოების დაყოფა.

„ეს კანონი ჯერ მიღებული არ არის, მაგრამ როგორც გვეუბნებიან ეს კანონმდებლობა მიღებული იქნება სექტემბერში, ალბათ, საარჩევნოდ და ამით იმედი აქვთ, რომ საზოგადოებას დაყოფენ, ამის საშუალება არ უნდა მივცეთ. მანამდე ეს კანონი არ იქნება ამოქმედებული, ამიტომ წინასწარ არ უნდა გვეშინოდეს“,- განაცხადა სალომე ზურაბიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024