ქუვეითში ხანძარს 35 ადამიანი ემსხვერპლა
ქუვეითში ხანძარს სულ მცირე 35 ადამიანი ემსხვერპლა, - ამის შესახებ ინფორმაციას ქუვეითის სახელმწიფო მედია ადგილობრივ პოლიციაზე დაყრდნობით ავრცელებს.
სახელმწიფო მედიის ცნობით, ხანძარი დღეს დილით, სამხრეთ ქუვეითის ქალაქ მანგაფში მდებარე შენობაში გაჩნდა, სადაც მუშები ცხოვრობენ.
„შენობაში, სადაც ხანძარი გაჩნდა, მუშები ცხოვრობდნენ და იქ მუშების დიდი რაოდენობა იყო. ათობით ადამიანი გადაარჩინეს, მაგრამ სამწუხაროდ, კვამლის ჩასუნთქვის შედეგად ბევრი დაიღუპა“, - განაცხადა ქუვეითის სახელმწიფო ტელევიზიამ.
ხელისუფლებამ განაცხადა, რომ ხანძარი ლიკვიდირებულია და მისი გამომწვევი მიზეზების გამოძიება მიმდინარეობს.
