ანა კილაძე - ოპოზიცია საზოგადოების გახლეჩაზე და საერთაშორისო ასპარეზზე ქვეყნის იმიჯის შელახვაზეა ორიენტირებული - მათი ბოიკოტი უკვე 21 წელია გრძელდება

საკრებულოს უმრავლესობის წევრის, ანა კილაძის შეფასებით, ოპოზიცია საზოგადოების გახლეჩაზე და საერთაშორისო ასპარეზზე ქვეყნის იმიჯის შელახვაზეა ორიენტირებული.

შესაბამისი განცხადება ანა კილაძემ თბილისის საკრებულოს სხდომაზე გააკეთა.

მისი განცხადებით, ოპოზიცია ეროვნული იდეის ოპოზიციას წარმოადგენს.

„კოლექტიური ნაციონალური მოძრაობა“ როგორც ხელისუფლებაში ყოფნის დროს, ასევე დღეს, უკვე ოპოზიციურ რანგში ზიზღზე, დაშინებაზე, საზოგადოების გახლეჩასა და საერთაშორისო ასპარეზზე ქვეყნის იმიჯის შელახვაზე ორიენტირებული პოლიტიკის წარმოებით ცდილობს საკუთარი ვიწროპარტიული ინტერესების გატარებას. შეგახსენებთ, რომ თქვენ გქონდათ საკმარისი დრო იმისთვის, რომ ქვეყანა ევროატლანტიკურ სივრცესთან დაგეკავშირებინათ, თუმცა თქვენი პოლიტიკა იყო ფასადური, როგორც ხელისუფლებაში ყოფნის დროს, ასევე ეგრეთ წოდებული მთავარი ოპოზიციური პარტიის სტატუსის ქვეშ. თქვენ დღეს არა პოლიტიკის, არამედ ეროვნული იდეის ოპოზიციას წარმოადგენთ. ქვეყნის მიმართ ოპოზიციური პარტიების დამოკიდებულებას, მათივე მმართველობის სტატისტიკა ზუსტად აღწერს“, - განაცხადა ანა კილაძემ.

ამასთან, ფრაქცია „ქართული ოცნება-დემოკრატიული საქართველოს“ წევრმა ოპოზიციის ბოიკოტზე გაამახვილა ყურადღება და აღნიშნა, რომ ისინი ბოიკოტს ქვეყნის მოსახლეობას უცხადებენ და არ მონაწილეობენ საკრებულოს საქმიანობაში.

„დღეს ოპოზიცია იმყოფება ბოიკოტის რეჟიმში, თუმცა აქვე გეტყვით, რომ საქართველოს მოსახლეობისა და ქვეყნის ინტერესების მიმართ მათი ბოიკოტი უკვე 21 წელია გრძელდება. ეს ის 21 წელია, რომელიც მათ ქართულ პოლიტიკაში აქვთ გატარებული დაწყებული ხელისუფლებაში ყოფნის დღიდან, დამთავრებული ოპოზიციურ რანგში. ამ დროს აქვთ შესაძლებლობა, რომ გამოიყენონ ყოველი დღე საკრებულოში, დაწერონ ინიციატივები, ითანამშრომლონ საქალაქო სამსახურებთან. მთელი ძალისხმევა და ენერგია მოახმარონ დედაქალაქის განვითარებას. არ მახსენდება არც ერთი ინიციატივა, რომელიც ოპოზიციამ წარადგინა დედაქალაქის საკრებულოს სხდომაზე, თუმცა მახსენდება ბევრი ცრუ, გამოგონილი და პოლიტიკურად ანგაჟირებული განცხადება, ამიტომ მოვუწოდებ ოპოზიციის წარმომადგენელ დეპუტატებს, ჯერ თქვენზე დაკისრებული პასუხისმგებლობა და მოვალეობა შეასრულოთ ნაყოფიერად, დრო და ენერგია დაუთმოთ დედაქალაქის განვითარებას. თუმცა ამის იმედი არ მაქვს, რადგან მათი მწყემსის ინტერესებიდან მზერა აბსოლუტურად სხვა მხარეს იყურება“, - განაცხადა ანა კილაძემ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი