რომან გოცირიძე - სამიტის ორგანიზატორებმა არ მიიწვიეს საქართველოს აღმასრულებელი ხელისუფლების წარმომადგენელი, რაც პირდაპირ ღია დემარშია - სალომე ზურაბიშვილის მიწვევა პოლიტიკურ-სიმბოლური დატვირთვის იყო

სამიტის ორგანიზატორებმა არ მიიწვიეს საქართველოს აღმასრულებელი ხელისუფლების წარმომადგენელი, რაც პირდაპირ ღია დემარშია - სალომე ზურაბიშვილის მიწვევა პოლიტიკურ-სიმბოლური დატვირთვის იყო, - ამის შესახებ „ევროოპტიმისტების" დეპუტატმა, რომან გოცირიძემ ჟურნალისტებთან საუბრისას განაცხადა, რითაც შვეიცარიაში გამართული უკრაინის მშვიდობის სამიტზე საქართველოს პრეზიდენტის გზავნილები შეაფასა.

მისი თქმით, უკრაინისადმი საქართველოს სოლიდარობის გამოხატულება, სალომე ზურაბიშვილის ყოფნით, ქვეყნის პოლიტიკური რეპუტაციისთვის მნიშვნელოვანია.

„ხაზგასასმელია ის ფაქტი, რომ სამიტის ორგანიზატორებმა არ მიიწვიეს საქართველოს აღმასრულებელი ხელისუფლების წარმომადგენელი, რაც პირდაპირ ღია დემარშია, ვინაიდან, ზოგადად გადაწყვეტილებებს იღებს მთავრობა და მით უმეტეს, საპარლამენტო რესპუბლიკაში, სადაც პრეზიდენტის აღმასრულებელი ფუნქციები ფაქტობრივად, გაუქმებულა. მაგრამ სწორედ სალომე ზურაბიშვილის მიწვევა, ამავე დროს, პოლიტიკურ-სიმბოლური დატვირთვის იყო, რადგან ხაზი გაესვა იმას, რომ საქართველოს მთავრობა არ იმსახურებს ევროპულ ოჯახში ყოფნას იმ პოლიტიკის გამო, რასაც იგი აწარმოებს," - განაცხადა გოცირიძემ.

ამასთან, ოპოზიციონერმა დეპუტატმა აღნიშნა, რომ "ქართული ოცნება" აგონიაშია და სალომე ზურაბიშვილის ვიზიტთან დაკავშირებით მათი შეფასებები, ჯანსაღ აზრს აცდენილია.

„ოთხი თვე არის დარჩენილი, არავის არავითარი „მაიდანი“ არ უნდა. „მაიდანი“ მოხდება მაშინ, თუ არჩევნებს გააყალბებენ, მაგრამ იმედი უნდა ვიქონიოთ, რომ ჩვენი ხალხის ძალისხმევით და საერთაშორისო პარტნიორების ძალისხმევით, ნებისმიერ შემთხვევაში - გაყალბდება თუ არა არჩევნები, იმდენ ხმას მიიღებს ოპოზიცია, რომ 4 თვის მერე იქნება ისეთი ხელისუფლება, რომელიც ქვეყანას ევროპულ გზაზე დააბრუნებს," - აღნიშნა მან.

კითხვაზე, თუ რას გულისხმობს, როცა ამბობს, რომ "მაიდანი" მოხდება მაშინ, თუ არჩევნების გააყალბებენ, გოცირიძე პასუხობს: "არავითარი "მაიდანი" არ იქნება, იმიტომ, რომ "ქართული ოცნება" არჩევნებით წავა. „ერთადერთი შანსი, რომ "ქართული ოცნება" დარჩეს ხელისუფლებაში ეს არის არჩევნების ტოტალური გაყალბება და ტოტალურ გაყალბებას არავინ შეარჩენს. ბუნებრივია, ამას ადეკვატური რეაქცია ექნება როგორც ხალხის მხრიდან, ასევე საერთაშორისო პარტნიორების მხრიდან", - განაცხადა გოცირიძემ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი