„მოძრაობის, ფიზიკური და ცეკვის თეატრის საერთაშორისო ფესტივალი“, რომელიც თბილისში მეოთხედ ტარდება, მარნეულს ეწვია.
მარნეული მერიის ინფორმაციით, მარნეულის მუნიციპალიტეტის ორგანიზებითა და მხარდაჭერით, ფესტივალის ფარგლებში, საჯარო ბიბლიოთეკაში იტალიის წარმომადგენლებმა, ALPHAZTL-ის პრეზენტაცია - ვორქშოფი ჩაატარეს.
მათივე ცნობით, ფესტივალი მარნეულში, „მოძრაობის თეატრის“ სპექტაკლით „ვოიცეკი“ დასრულდება, რომელიც 22 ივნისს, 13:00 საათზე, მარნეულის კულტურის ცენტრში იქნება წარმოდგენილი.