პრემიერი - რადიკალურმა ოპოზიციამ, ამ შემთხვევაშიც ვერ გაბედა სხდომაზე დასწრება, დებატებში შემოსვლა - ინტელექტუალური რესურსი მათ მხარეს არის ძალიან მწირად წარმოდგენილი

რადიკალურმა ოპოზიციამ, ამ შემთხვევაშიც ვერ გაბედა სხდომაზე დასწრება, დებატებში შემოსვლა - ინტელექტუალური რესურსი მათ მხარეს არის ძალიან მწირად წარმოდგენილი. სიმართლე მათ მხარეს არ არის, სიმართლე არის ჩვენ მხარეს. ეს არის მთავარი მიზეზი, რატომაც რადიკალური ოპოზიცია ვერ ბედავს „ქართულ ოცნებასთან“ დებატებში შემოსვლას, - ამის შესახებ პრემიერ-მინისტრმა ირაკლი კობახიძემ პარლამენტში ყოველწლიური მოხსენების წარდგენისას განაცხადა, რომელსაც ოპოზიცია ბოიკოტის ნიშნად არ ესწრება.

როგორც კობახიძემ აღნიშნა, ოპოზიციამ პრემიერისთვის ინტერპელაციის შესახებ წერილის გაგზავნა ვერც ერთხელ ვერ გაბედა.

"პირველ რიგში, ვიტყვი, რომ რადიკალურმა ოპოზიციამ, ამ შემთხვევაშიც ვერ გაბედა სხდომაზე დასწრება, დებატებში შემოსვლა. გასული წლების განმავლობაში, პირველ რიგში, ამ მოწვევას გავიხსენებ, მათ პოლიტიკური დებატები „ქართულ ოცნებასთან“ ყოველ ჯერზე წააგეს. აქედან გამომდინარე, გასაკვირი არ არის, რომ მორიგჯერც მათ ვერ გაბედეს პარლამენტში მოსვლა, დებატებში შემოსვლა. პირადად ჩემთან, მათ უკვე ოთხჯერ ჰქონდათ იმის შანსი, რომ ინტერპელაციის წესით მოვსულიყავი პარლამენტში, გაემართათ ჩემთან დებატები. ვერც ერთხელ ვერ გაბედეს ინტერპელაციის თაობაზე წერილის გამოგზავნა და ახლა, უკვე, როცა სავალდებულო წესით იმართება ყოველწლიური ანგარიშის განხილვა აქაც ვერ გაბედეს დებატებში შემოსვლა. აქედან ჩანს ორი რამე, პირველი ის, რომ ინტელექტუალური რესურსი მათ მხარეს არის ძალიან მწირად წარმოდგენილი და მეორე, რაც მთავარია, სიმართლე არ არის მათ მხარეს, სიმართლე არის ჩვენ მხარეს და ეს არის მთავარი მიზეზი, რატომაც რადიკალური ოპოზიცია ვერ ბედავს „ქართულ ოცნებასთან“ დებატებში შემოსვლას. თუმცა, ეს არის მათი საქმე, ჩვენი საქმეა საზოგადოებას წარვუდგინოთ ანგარიში იმ საქმიანობის შესახებ, რომელიც მთავრობამ განახორციელა გასული ერთი წლის განმავლობაში“, - განაცხადა კობახიძემ.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
იოსებ მურმანიშვილი - ოსტეოართრიტის სამკურნალოდ კლინიკა „ნიუმედი“ პაციენტებს ინექციური მკურნალობის მეთოდს სთავაზობს, რაც მნიშვნელოვნად აუმჯობესებს სახსრების ფუნქციას და შესაბამისად ზრდის პაციენტის ცხოვრების ხარისხს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ევროკავშირი პროგრამა „განათლება დასაქმებისთვის” ფარგლებში მნიშვნელოვან შედეგებს აქვეყნებს
TNET-ის რეგისტრაციის ოფისი უძრავი და მოძრავი ქონების გაფორმებისა და რეგისტრაციისთვის თბილისში
.ge დომენი წელიწადი 1 ლარად - Domenebi.ge-ს მომხმარებლებს დომენების 2 წლით შეძენა 51 ლარად შეუძლიათ
გაზრდილი სიჩქარე, უცვლელი ფასი