სალომე ზურაბიშვილი - სასწაულია დღევანდელი დღე, მე ასეთი საქართველო მინდა - გახარებული ამ ბიჭების სასწაულით - ეს მხოლოდ დასაწყისია
სასწაულია დღევანდელი დღე, მე ასეთი საქართველო მინდა - გახარებული ამ ბიჭების სასწაულით, - ეს სიტყვები საქართველოს პრეზიდენტმა სალომე ზურაბიშვილმა თავისუფლების მოედანზე საქართველოს ეროვნული ნაკრების ფეხბურთელების პატივსაცემად გამართულ ღონისძიებაზე წარმოთქვა.
პრეზიდენტმა ნაკრების წევრები ღირსების ორდენებითა და მედლებით დააჯილდოვა. როგორც სალომე ზურაბიშვილმა განაცხადა, ბიჭებმა მიაღწიეს მიუღწეველს და ეს მხოლოდ დასაწყისია.
„სასწაულია დღევანდელი დღე, მე ასეთი საქართველო მინდა - გახარებული ამ ბიჭების სასწაულით, მაგრამ სასწაული ასე არ მოდის, ეს არის შრომა, თავდადება, ნიჭი, შემართება, პროფესიონალიზმი, გუნდურობა, ქვეყნის სიყვარული და ეს ყველაფერი ერთად ამათ ისე აქვთ შერწყმული, რომ მიაღწიეს მიუღწეველს და ეს არის მხოლოდ დასაწყისი. ძალიან დიდი მადლობა მათ და თქვენც ძალიან დიდი მადლობა მათი გულშემატკივრობისთვის. მინდა, თქვენი სახელით, ერთობის სახელით, რამეთუ ეს ჯილდო არის მთავრობის, პრეზიდენტის და თქვენი ჯილდო, რომელსაც გადავცემთ ამ ბიჭებს და ვუსურვებთ, რომ მათი გამარჯვების გზა იყოს უსასრულო“, - განაცხადა საქართველოს პრეზიდენტმა.
v-if="article.gallery" v-html="article.gallery"
