ევროკავშირის მხარდაჭერით, „საქართველოს პასუხისმგებელი ბიზნესის კონკურსი - მელიორა 2024“-ის დაჯილდოების ცერემონიაზე კონკურსის გამარჯვებულები გამოვლინდნენ
2 ივლისს, თბილისის ისტორიის მუზეუმში „ქარვასლა”, „საქართველოს პასუხისმგებელი ბიზნესის კონკურსი - მელიორა 2024“-ის დაჯილდოების ცერემონია გაიმართა, რომლის ფარგლებშიც წლის საუკეთესო პროექტები და კომპანიები დასახელდნენ.
კონკურსის სხვადასხვა კატეგორიაში გამარჯვებული კომპანიები დიპლომატიური კორპუსის წარმომადგენლებმა და კორპორაციული სოციალური პასუხისმგებლობის (CSR) მიმართულებით საერთაშორისო ექსპერტებმა დააჯილდოვეს. მათთან ერთად, საზეიმო ცერემონიას სამოქალაქო საზოგადოებისა და სხვადასხვა ბიზნესის წარმომადგენლებიც ესწრებოდნენ. ღონისძიებას ჯამში 250 სტუმარი ესწრებოდა.
კონკურსზე წარდგენილი იყო კერძო სექტორის ის გამორჩეული CSR პროექტები, რომლებიც მათ გასულ წელს განახორციელეს. პროექტები შეაფასა ჟიურიმ, რომლის წევრებიც იყვნენ დარგის წამყვანი ექსპერტები, საერთაშორისო და ადგილობრივი საზოგადოებრივი ორგანიზაციებიდან და აკადემიური წრეებიდან.
‘Meliora 2024’-ის ცხრა კატეგორიიდან, გამარჯვებულები გამოვლინდნენ შემდეგ შვიდ კატეგორიაში:
- კატეგორია „მწვანე ინიციატივა“
- გამარჯვებული მსხვილი კომპანია: თეგეტაჰოლდინგი, პროექტი „მწვანე სტანდარტი“
- გამარჯვებული მცირე და საშუალო კომპანია: პოლივიმი, პროექტი „მწვანე ინიციატივა“
- კატეგორია „პასუხისმგებელი დამსაქმებელი“
- გამარჯვებული მსხვილი კომპანია: ბაზისბანკი, პროექტი "პასუხისმგებელი დამსაქმებელი“
- კატეგორია „საზოგადოებისმხარდაჭერა“
- გამარჯვებული მსხვილი კომპანია: ჰილტონ ბათუმი, პროექტი „საზოგადოების მხარდაჭერა“
- გამარჯვებული მცირე და საშუალო კომპანია: კლიპარტი, პროექტი „წიგნის კლუბი“
- კატეგორია „სექტორთა პარტნიორობა - გაზიარებული პასუხისმგებლობა“
- გამარჯვებული მსხვილი კომპანია: „ზღაპარი“, პარტნიორობა ასოციაციასთან “ცხოვრების შანსი“, პროექტი: „სახელმწიფო ზრუნვაში მყოფი ახალგაზრდების პროფესიული მხარდაჭერა და გაძლიერება“
- კატეგორია „გამჭვირვალობა და ანგარიშგება კორპორაციული პასუხისმგებლობისა და მდგრადობის საკითხებზე“
- გამარჯვებული მსხვილი კომპანია: თიბისი ბანკი, პროექტი „მდგრადი განვითარების ანგარიში 2022“
- კატეგორია „წლის CSR მენეჯერი“
- გამარჯვებული მსხვილი კომპანია: ნათიასირბილაძე, კომპანია „ექზაქტ პრო სისტემს ჯორჯია“
- წლის პასუხისმგებელი მსხვილი კომპანია
- გამარჯვებული მსხვილი კომპანია: თიბისი ბანკი
„მელიორას“ მსგავსი კონკურსები ბიზნესს მნიშვნელოვნად უჭერს მხარს, როგორც მრავალფეროვანი CSR პროექტების განხორციელებაში, ასევე კომპანიის პოზიტიური იმიჯისა და რეპუტაციის გამყარებაში. გარდა ამისა განვითარებული კორპორაციული სოციალური პასუხისმგებლობა კიდევ უფრო გვაახლოვებს ბიზნესის მართვის ევროპულ სტანდარტებთან ” - განაცხადა საქართველოს სტრატეგიული კვლევებისა და განვითარების ცენტრის (CSRDG) დირექტორმა ეკა ურუშაძემ.
საქართველოში ევროკავშირის წარმომადგენლობის განვითარების და თანამშრომლობის განყოფილების ხელმძღვანელის, ნიკოლას სენდროვიჩის განცხადებით: „მელიორას“ დაჯილდოება კარგი მაგალითია იმის, თუ როგორ მუშაობს ევროკავშირი საქართველოს სამოქალაქო საზოგადოებასთან და ბიზნეს ასოციაციებთან, რათა დანერგოს პასუხისმგებლობა და მდგრადობა ქართული ბიზნესის ძირითად სტრატეგიებში. პასუხისმგელიანი ბიზნეს მიდგომები იწვევს გრძელვადიან ფინანსურ წარმატებას, ისევე როგორც სოციალურ სიკეთეს“.
კონკურსი ჩატარდა საქართველოს სტრატეგიული კვლევებისა და განვითარების ცენტრის (CSRDG) ორგანიზებით, ევროკავშირისა (EU) და კონრად ადენაუერის ფონდის (KAS) მიერ დაფინანსებული პროექტის „სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის” ფარგლებში.
ევროკავშირის შესახებ: 30 წელზე მეტია ევროკავშირს მჭიდრო პარტნიორობა აკავშირებს საქართველოსთან და ეხმარება მას ცოდნის და გამოცდილების გაზიარებაში, ექსპერტიზაში, ინოვაციებში და უწევს ფინანსურ დახმარებას. ევროკავშირსა და საქართველოს შორის პარტნიორობა ეფუძნება საერთო ღირებულებებს, როგორებიცაა მშვიდობა, თავისუფლება, დემოკრატია, ადამიანის უფლებები და ინკლუზიური ეკონომიკური ზრდა.
განმახორციელებელი ორგანიზაცია: საქართველოს სტრატეგიული კვლევებისა და განვითარების ცენტრი (CSRDG) 29 წლის წინ დაარსდა და სხვადასხვა მიმართულებით, მრავალ მნიშვნელოვან პროექტს ახორციელებს. მათ შორის ერთ-ერთი კორპორაციული სოციალური პასუხისმგებლობის პროგრამაა. CSRDG პირველი ქართული ორგანიზაციაა, რომელმაც მოამზადა და გამოსცა: მდგრადი განვითარების ანგარიში („ანგარიშგების გლობალური ინიციატივის“ (GRI) საერთაშორისო სტანდარტის მიხედვით), პირველი ქართულენოვანი სახელმძღვანელო კორპორაციულ სოციალურ პასუხისმგებლობაზე საქართველოს უმაღლესი სასწავლებლებისთვის; შექმნა კორპორაციული სოციალური პასუხისმგებლობის საინფორმაციო ჰაბი, დააარსა CSR-ის დაინტერესებულ მხარეთა ფორუმი და ყველაზე გამორჩეული ჯილდო კორპორაციული სოციალური პასუხისმგებლობის სფეროში - ‘Meliora’.
Meliora 2024-ის სპონსორები იყვნენ: UN WOMEN, Moore abc, Element Holding, სარაჯიშვილი
Meliora 2024-ის მედიაპარტნიორები: BPN.GE, IPN.GE და ტელევიზია Palitranews.
(R)
