რუსთავში საგზაო ინფრასტრუქტურის მოწესრიგების მიზნით, მასშტაბური პროექტი მიმდინარეობს

რუსთავში, ახალი საგზაო ინფრასტრუქტურა კიდევ ერთ ქუჩაზე ეწყობა, რომლის ფარგლებშიც, მე-7 და მე-8 მიკრორაიონებს შორის არსებულ გზაზე, ასფალტის საფარის პირველი ფენა უკვე დაიგო, - ამის შესახებ ინფორმაციას რუსთავის მერია ავრცელებს.

მერიის ცნობით, პროექტის მიმდინარეობას რუსთავის მერი ნინო ლაცაბიძე, მოადგილე ბესიკ ტოგონიძესთან და ინფრასტრუქტურის სამსახურის უფროს ზურა ტაბაღუასთან ერთად, სამუშაო ფორმატში ადგილზე გაეცნო.

როგორც რუსთავის მერმა ნინო ლაცაბიძემ განაცხადა, საგზაო ინფრასტრუქტურის მოწესრიგების მიზნით, მასშტაბური პროექტი ერთდროულად სამ ლოკაციაზე მიმდინარეობს.

„აქტიურად მიმდინარეობს სამუშაოები ერთ-ერთ დიდ პროექტზე, რომელიც სამი ქუჩის რეაბილიტაციას მოიცავს. მე-7 და მე-8 მიკრორაიონის დამაკავშირებელი გზის მონაკვეთზე ასფალტის საფარის მოწყობა მიმდინარეობს. ეს პროექტი საკმაოდ დიდი და მნიშვნელოვანია ჩვენი ქალაქისთვის, რადგან აღნიშნულ ქუჩაზე დღემდე არ გვქონდა საშუალება მუნიციპალური ტრანსპორტით მოვმსახურებოდით მოსახლეობას. პროექტის დასრულების შემდეგ კი სხვა სიკეთეებთან ერთად, როგორიცაა ახალი საგზაო ინფრასტრუქტურა, საფეხმავლო და ველობილიკები, გარე განათებისა და ახალი სარწყავი სისტემები, ჩვენ შევძლებთ, რომ ამ ქუჩაზე მუნიციპალურმა ავტობუსებმაც იმოძრაოს“, - განაცხადა რუსთავის მერმა ნინო ლაცაბიძემ.

გავრცელებული ინფორმაციის თანახმად, პროექტი საგზაო ინფრასტრუქტურის მოწყობას სამ ვრცელ ლოკაციაზე ითვალისწინებს.

„პარალელურად, სამუშაოები მიმდინარეობს აფხაზეთის და ლომოურის ქუჩებზე. უახლოეს პერიოდში, აფხაზეთის ქუჩაზე, ასფალტის მეორე ფენა, ლომოურის ქუჩასთან დამაკავშირებელ გზაზე კი, ბეტონის საფარი დაიგება. მოწყობილია ახალი სანიაღვრე ქსელი, განახლებულია მაგისტრალური წყალსადენი და სხვა მიწისქვეშა კომუნიკაციები. პროექტით გათვალისწინებულია ველობილიკების, ტროტუარების, გარე განათების, სარწყავი სისტემის და მწვანე სივრცეების მოწყობაც. პროექტი ცენტრალური და ადგილობრივი ბიუჯეტის თანადაფინანსებით ხორციელდება, მისი ღირებულება 3 994 439 ლარია“, - აღნიშნულია რუსთავის მერიის მიერ გავრცელებულ ინფორმაციაში.

პეტრას აუსტრევიჩუსი - გზა, რომელსაც „ქართული ოცნება“ ადგას, აბსოლუტურად რუსული, აღმოსავლური გზაა
ქართული პრესის მიმოხილვა 06.02.2025
გიორგი ანთაძე - მინიმალური დემოკრატიული სტანდარტებიც კი საფრთხეშია
კახა ოქრიაშვილი „ოცნებას“ - თქვენს კოლექტიურ შიზოფრენიას უნდა გადააყოლოთ ქვეყანა? - შემოდგომაზე არჩევნები გარდაუვალია!
GM PHARMA-ში ახალი მედიკამენტების კვლევა-განვითარება აქტიურად გრძელდება
თბილისის საერთაშორისო სტანდარტის ყინულის არენაზე, "ბაკურიანი 2025"-ის ფარგლებში, ყინულის ჰოკეიში მოასპარეზე გოგონათა გუნდების ოფიციალური ვარჯიში გაიმართა
„სილქნეტმა” „დაჭრილ მებრძოლთა თანადგომის ფონდის“ 2024 წლის საქმიანობის ანგარიში წარადგინა
„ბიბლუსში“ თიბისის ხანგრძლივი ქეშბექ კამპანია დაიწყო - 20%-იანი ქეშბექი თიბისის მოსწავლის ბარათის ან ახალი თიბისი ბარათის მქონე სტუდენტებისთვის „ბიბლუსის“ სრულ ასორტიმენტზე
ევროპის ოლიმპიური კომიტეტების პრეზიდენტი თბილისის საერთაშორისო სტანდარტების ყინულის არენაზე, "ბაკურიანი 2025"-ის ფარგლებში მიმდინარე შეჯიბრებას დაესწრო